25044

དགོངས་པ་ཅན་གྱི་མདོ་ (1)

Part of speech	མིང་ཚིག
Definition	མདོ། ཕར་ཕྱིན། དགོངས་གཞི་གཞན་ལ་དགོངས་ནས་སྒྲ་ཇི་བཞིན་པ་མ་ཡིན་པར་གསུངས་པའི་དྲང་དོན་གྱི་མདོར་དམིགས་པ། དེའི་མཚན་ཉིད། གཉིས་པ་ནི། དེ་ལ་དབྱེ་ན། མདོ་སྡེ་རྒྱན་ལས། མཉམ་པ་ཉིད་དང་དོན་གཞན་དང༌། །དེ་བཞིན་དུ་ནི་དུས་གཞན་དང༌། །གང་ཟག་གི་ནི་བསམ་པ་ལ། །དགོངས་ནས་རྣམ་པ་བཞིར་ཤེས་བྱ། །ཞེས་པ་ལྟར། མཉམ་པ་ཉིད་ལ་དགོངས་པའི་མདོ། དོན་གཞན་ལ་དགོངས་པའི་མདོ། དུས་གཞན་ལ་དགོངས་པའི་མདོ། གང་ཟག་གི་བསམ་པ་ལ་དགོངས་པའི་མདོ་དང་བཞི། དང་པོ་ནི། བདག་ཅག་གི་སྟོན་པས་སངས་རྒྱས་རྣམ་གཟིགས་ཀྱི་བསྔགས་པ་བརྗོད་པ་ན་འཁོར་འགའ་ཞིག་བདག་ཅག་གི་སྟོན་པ་ནི་དེ་བས་དམན་བའོ་སྙམ་དུ་སངས་རྒྱས་ལ་བརྙས་པའི་གཉེན་པོར་མཉམ་པ་ཉིད་གསུམ་ལ་དགོངས་ནས་ང་དེའི་ཚེ་དེའི་དུས་ན་སངས་རྒྱས་རྣམ་གཟིགས་སུ་གྱུར་ཏོ། །ཞེས་གསུངས་པ་ལྟ་བུ། མཉམ་པ་ཉིད་གསུམ་ནི། སངས་རྒྱས་ཐམས་ཅད་རྒྱུ་ཚོགས་གཉིས་བསགས་པར་མཉམ། འབྲས་བུ་ཆོས་སྐུ་ཐོབ་པར་མཉམ། འཕྲིན་ལས་འབད་མེད་ལྷུན་གྲུབ་ཏུ་འཇུག་པར་མཉམ་པ་ཡིན་ཏེ། མཛོད་ལས། སངས་རྒྱས་ཐམས་ཅད་ཚོགས་དང་ནི། །ཞེས་སོགས་གསུངས་པའི་ཕྱིར། གཉིས་པ་ནི། ཕ་དང་མ་ནི་བསད་བྱ་ཞིང༌། །རྒྱལ་པོ་གཙང་སྒྲ་ཅན་གཉིས་དང༌། །ཡུལ་འཁོར་དང་བཅས་བཅོམ་ན། །མི་དེ་དག་པ་ཉིད་དུ་འགྱུར། །ཞེས་གསུངས་པ་ལྟ་བུའོ། །དེ་ཡང་དོན་གཞན་ལ་དགོངས་པ་ཡིན་ཏེ། ཕ་མ་དང་འདྲ་བའི་ལས་སྲེད་སྤང་བྱ་དང༌། རྒྱལ་པོ་དང་འདྲ་བའི་ཡིད་ཀྱི་རྣམ་ཤེས། གཙང་སྒྲ་ཅན་དགེ་སློང་དང་བྲམ་ཟེ་གཉིས་དང་འདྲ་བའི་ལྟ་བ་མཆོག་འཛིན་གྱི་ལྟ་བ་དང༌། ཚུལ་ཁྲིམས་དང་བརྟུལ་ཞུགས་མཆོག་འཛིན་གྱི་ལྟ་བ་གཉིས་དང༌། ཡུལ་འཁོར་དང་བཅས་པ་དང་འདྲ་བའི་སྐྱེ་མཆེད་དྲུག་སྤྱོད་ཡུལ་དང་བཅས་པ་རྣམས་ལ་བདེན་ཞེན་བཅོམ་པས་འཁོར་བ་ལས་གྲོལ་བར་འགྱུར་བ་ལ་དགོངས་པའི་ཕྱིར། མདོ་དེའི་དངོས་ཟིན་ལས་གཞན་དུ་དྲང་བའི་དོན་ནི། ལས་དང་སྲེད་པ་སྤང་བྱ་ཞིང༌། །སྦྱོར་བའི་རྣམ་ཤེས་མཆོག་འཛིན་གཉིས། །སྐྱེ་མཆེད་སྤྱོད་ཡུལ་བཅས་བཅོམ་ན། །མི་དེ་གྲོལ་བ་ཉིད་དུ་འགྱུར། །ཞེས་གསུངས་པ་ལྟར་ཡིན་ནོ། །གསུམ་པ་ནི། ལེ་ལོ་ཅན་འགའ་ཞིག་རྗེས་སུ་གཟུང་བའི་ཕྱིར་དུ་མ་འོངས་པར་བདེ་བ་ཅན་དུ་སྐྱེ་བར་འགྱུར་བ་ལ་དགོངས་ནས་བདེ་བ་ཅན་དུ་སྐྱེ་བའི་སྨོན་ལམ་ལན་ཅིག་བཏབ་པ་ལ་བརྟེན་ནས་དེ་མ་ཐག་ཏུ་དེར་སྐྱེ་བར་སྟོན་པའི་མདོ་ལྟ་བུ། བཞི་པ་ནི། སྦྱིན་པ་ཅུང་ཟད་བཏང་བ་ཙམ་གྱིས་འཁོར་བ་ལས་གྲོལ་བར་འཛིན་པའི་གང་ཟག་འགའ་ཞིག་ལ་དགོངས་ནས་ཚུལ་ཁྲིམས་ཀྱི་བསྔགས་བ་བརྗོད་ཅིང་སྦྱིན་པ་ལ་སྨད་པའི་མདོ་ལྟ་བུ།
Domain	ཆོས་ལུགས།

{{#arraymap:དགོངས་པ་ཅན་གྱི་མདོ་

|; |@@@ | | }}

དགོངས་པ་ཅན་གྱི་མདོ་ (2)

Part of speech	མིང་ཚིག
Definition	དགོངས་གཞི་གཙོ་བོར་གྱུར་པའི་མདོ་དེ་དགོངས་པ་ཅན་གྱི་མདོའི་མཚན་ཉིད། དེ་ལ་དབྱེ་ན། མཉམ་པ་ཉིད་ལ་དགོངས་པ། དོན་གཞན་ལ་དགོངས་པ། དུས་གཞན་ལ་དགོངས་པ། གང་ཟག་གི་བསམ་པ་ལ་དགོངས་པ་བཞི། མཉམ་ཉིད་གསུམ་ནི། སངས་རྒྱས་ཐམས་ཅད་ཚོགས་གཉིས་རྫོགས་པར་མཉམ་པ། ཆོས་སྐུ་བརྙེས་པར་མཉམ་པ། །འཕྲིན་ལས་ལྷུན་གྲུབ་ཏུ་སྤྱོད་པར་མཉམ་པ་ཉིད་བཅས་ཡིན་ནོ། །

{{#arraymap:དགོངས་པ་ཅན་གྱི་མདོ་

|; |@@@ | | }}

དགོངས་པ་ཅན་གྱི་མདོ་ (3)

Part of speech	མིང་ཚིག
Definition	དགོངས་གཞི་གཙོ་བོར་སྟོན་པའི་སྒྲས་ཟིན་སྒྲ་ཇི་བཞིན་པ་མ་ཡིན་པའི་དྲང་དོན་གྱི་མདོ་ཞིག་ལ་དགོངས་པ་ཅན་གྱི་མདོ་ཞེས་འཇོག མཚན་ཉིད་ནི། པཎ་ཆེན་ཕར་ཕྱིན་མཐའ་དཔྱོད་ལས། སྒྲ་ཇི་བཞིན་དུ་ཁས་བླང་དུ་མི་རུང་བའི་མདོ་གང་ཞིག། དགོངས་གཞི་གཙོ་བོར་གྱུར་པ་དགོངས་པ་ཅན་གྱི་མདོའི་མཚན་ཉིད། དེ་ལ་དབྱེ་ན། མཉམ་པ་ཉིད་ལ་དགོངས་པ། དོན་གཞན་ལ་དགོངས་པ། དུས་གཞན་ལ་དགོངས་པ། གང་ཟག་གི་བསམ་པ་ལ་དགོངས་པ་དང་བཞི་ཡོད།

{{#arraymap:དགོངས་པ་ཅན་གྱི་མདོ་

|; |@@@ | | }}