25080

དགོངས་འགྲེལ་ལས་གསུངས་པའི་འཁོར་ལོ་གསུམ་པ་ (1)

Part of speech	མིང་ཚིག
Definition	མདོ། སེམས་ཙམ་པ། དགོངས་འགྲེལ་ལས་གསུངས་པའི་འཁོར་ལོ་གསུམ་གྱི་ནང་ནས་ཀུན་བརྟགས་རང་གི་མཚན་ཉིད་ཀྱིས་མ་གྲུབ་ཅིང་གཞན་དབང་དང་ཡོངས་གྲུབ་རང་གི་མཚན་ཉིད་ཀྱིས་གྲུབ་པའི་ཁྱད་པར་ཕྱེ་ནས་གསལ་བར་སྟོན་པའི་མདོར་དམིགས་པ་དེ་དགོངས་འགྲེལ་ལས་གསུངས་པའི་འཁོར་ལོ་ཐ་མའི་མཚན་ཉིད། མཚན་གཞི་ནི། དགོངས་འགྲེལ་གྱི་དོན་དམ་ཡང་དག་འཕགས་ཞུས་ཀྱི་ལེའུ་ལྟ་བུ་ལ་འཇོག་ཅིང། མདོ་སྡེ་དགོངས་འགྲེལ། རིལ་པོ་དེའི་མཚན་གཞིར་འཇོག་པ་མི་འཐད་དེ། དེའི་ལེའུ་བཅུ་ཀ་ནས་མཚན་ཉིད་གསུམ་ལ་ངོ་བོ་ཉིད་ཡོད་མེད་ཀྱི་ཚུལ་གསལ་བར་ཕྱེ་ནས་མ་གསུངས་པའི་ཕྱིར་ཏེ། རྣམ་བཤད་སྙིང་པོ་རྒྱན་ལས། འདི་ནི་བླ་ན་མ་མཆིས་པ་ཞེས་པའི་ཉེ་ཚིག་སྨོས་པའི་མཚན་གཞིར་མདོ་སྡེ་དགོངས་འགྲེལ་རིལ་འཛིན་པ་མི་འཐད་དེ། ཞེས་གསུངས་པའི་ཕྱིར། ཡང་ན། དགོངས་འགྲེལ་ལས་གསུངས་པའི་འཁོར་ལོ་གསུམ་གྱི་ནང་ནས་རང་གི་ཆེད་དུ་བྱ་བའི་གདུལ་བྱ་བཀའ་བར་པ་མཚན་ཉིད་མེད་པའི་ཆོས་འཁོར་གྱི་དགོངས་པ་བཀའ་བར་པ་ལ་བརྟེན་ནས་རྟོགས་མི་ནུས་པར་བཀའ་ཐ་མ་ལ་བརྟེན་ནས་རྟོགས་དགོས་པའི་ཐེག་ཆེན་གྱི་རིགས་ཅན་དབང་རྣོན་ལ་གཙོ་བོར་དགོངས་ནས་གསུངས་པའི་མདོར་དམིགས་པ། དགོངས་འགྲེལ་ནས་གསུངས་པའི་འཁོར་ལོ་ཐ་མའི་མཚན་ཉིད་ཡིན།
Domain	ཆོས་ལུགས།

{{#arraymap:དགོངས་འགྲེལ་ལས་གསུངས་པའི་འཁོར་ལོ་གསུམ་པ་

|; |@@@ | | }}