25189

དགྱེས་པ་རྡོ་རྗེ་ (1)

Part of speech	མིང་ཚིག
Definition	ཀྱེ་རྡོ་རྗེ་སྟེ་བླ་མེད་རྒྱུད་ཀྱི་ཡི་དམ་ཞིག མར་པ་ལོ་ཙྰ་བས་དོན་བསྒྱུར་བྱས་པ་ལ་དགྱེས་པ་རྡོ་རྗེ་ཞེས་བསྒྱུར། སྐད་དོད་ཧེ་བཛྲ་སྟེ། བོད་སྐད་དུ་ཀྱེ་རྡོ་རྗེ། དགྱེས་པ་རྡོ་རྗེ། རོལ་པའི་རྡོ་རྗེ་ཞེས་མཚན་མི་འདྲ་བ་གསུམ་འབྱུང་བ་ནི། སྐད་དོད། ཧེ་བཛྲ་ལ། དོན་མི་འདྲ་བ་གསུམ་དང་། དེ་ལ་བརྟེན་ནས་འགྱུར་མི་འདྲ་བ་གསུམ་བྱུང་བའི་གནད་ཀྱིས་ཡིན་ཏེ། དེ་ཡང་ཧེ་ནི། འབོད་ཅིང་བསྐུལ་བའམ། དགྱེས་པའི་དོན་དུ་བསྒྱུར་ཞིང་། ཡང་ན། ཧེ་ལ་ལ་བསྣན་པས་ཧེ་ལ་རོལ་པ་སྟེ་སེམས་ཅན་གྱི་དོན་ལ་རོལ་པའི་སྐུར་སྟོན་པས་ན་རོལ་པ་ཞེས་སྒྲ་འཇུག་པར་བཤད། ལྷའི་ཞལ་ཕྱག་གི་གྲངས་དང་སྐུ་མདོག་ཕྱག་མཚན་སོགས་ཀྱི་ཁྱད་པར་ནི། སྐུ་མདོག་མཐིང་ག་ཞལ་བརྒྱད་ཕྱག་བཅུ་དྲུག ། རྩ་ཞལ་མཐིང་ག་གཡས་སྔོ་གཡོན་དམར་ཞིང་། །གཡས་གཡོན་ལྷག་མ་གཉིས་གཉིས་ནག་པོ་སྟེ། །སྟེང་ཞལ་དུད་ཁ་ཞལ་རྣམས་སྤྱན་གསུམ་པ། །བཅུ་དྲུག་ཕྱག་གིས་ཐོད་པ་གཟུང་བའི་ནང་། །གཡས་ན་གླང་ཆེན་རྟ་བོང་གླང་རྔ་མོང་། །མི་དང་ཤ་ར་བྷ་དང་བྱི་ལ་དང་། །གཡོན་ན་ས་ཆུ་རླུང་མེ་ཟླ་ཉིའི་ལྷ། །གཤིན་རྗེ་གནོད་སྦྱིན་བསྣམས་ཤིང་རྩ་ཕྱག་གཉིས། །སྐུ་མདོག་སྔོན་པོ་ཕྱག་གཉིས་གྲི་ཐོད་དང་། །ཁ་ཊཱཾ་འཛིན་ཅིང་ཞབས་གཡས་ཡབ་ལ་འཁྲིལ། །གཡོན་པ་བརྐྱང་ཞིང་ཕྱག་རྒྱ་ལྔ་ཡིས་བརྒྱན། །སྟག་ཤམ་གསོལ་བའི་བདག་མེད་མ་ལ་འཁྱུད། །དབུ་སྐྲ་གྱེན་བརྫེས་སྣ་ཚོགས་རྡོ་རྗེས་མཚན། །ཐོད་པ་སྐམ་རློན་ཕྱག་རྒྱ་དྲུག་གིས་བརྒྱན། །ཞབས་བཞི་མདུན་མ་གཡས་བརྐྱང་གཡོན་བསྐུམ་ཞིང་། །རྒྱབ་མ་སྐྱིལ་ཀྲུང་ཕྱེད་པའི་གར་སྟབས་ཀྱིས། །སྣ་ཚོགས་པད་ཉིའི་སྟེང་དུ་བདུད་བཞི་ཡི། །ངོ་བོ་ཚངས་པ་དབང་པོ་ཉེ་དབང་དང་། །དྲག་པོ་གན་རྐྱལ་བསྒྱེལ་བའི་སྟེང་བཞུགས་པ་ཞིག
Domain	ཆོས་ལུགས།

{{#arraymap:དགྱེས་པ་རྡོ་རྗེ་

|; |@@@ | | }}