25501

དངོས་གཞི་ཐོད་རྒལ་ (1)

Part of speech	མིང་ཚིག
Definition	ཐོད་རྒལ་གྱི་སྦྱོར་བ་གཉིས་སྔོན་དུ་སོང་ནས། མཐར་གནས་ཀྱི་སྙོམས་འཇུག་ལ་རིགས་མི་མཐུན་བརྒལ་ནས་སྙོམས་པར་འཇུག་པའི་ཏིང་ངེ་འཛིན་དེ་དངོས་གཞི་ཐོད་རྒལ་གྱི་སྙོམས་འཇུག་གི་མཚན་ཉིད། དེ་ཡང་བསམ་གཏན་དང་པོ་ཟག་བཅས་ནས། གསུམ་པ་ཟག་མེད། དེ་ནས་ནམ་མཁའ་མཐའ་ཡས་ཟག་བཅས། དེ་ནས་ཅི་ཡང་མེད་ཟག་མེད། དེ་བཞིན་དུ་ཅི་ཡང་མེད་ཟག་བཅས་ནས་ནམ་མཁའ་མཐའ་ཡས་ཟག་མེད་སོགས་ལུགས་མི་མཐུན་ལ་ཡང་འཇུག་པ་ཡིན་ནོ། །གསུམ་པ་བརྒལ་ནས་བཞི་པ་ལ་འཇུག་མི་ནུས་ཏེ། བཞི་པ་ནི་ཤིན་ཏུ་རིང་བའི་ཕྱིར། རྟེན་ནི་བློ་གསལ་བས་གླིང་གསུམ་གྱི་མིའི་རྟེན་དང་། གང་གི་རྒྱུད་ལ་ལྡན་པ་ནི་དགྲ་བཅོམ་པ་མི་གཡོ་བའི་ཆོས་ཅན་ཁོ་ན་ཡིན་ཏེ། མཛོད་རང་འགྲེལ་ལས། མི་རྣམས་ཀྱི་ནང་ཁོ་ནར་བསྐྱེད་ཅིང་ལྷ་དག་གི་ནང་དུ་མ་ཡིན་ནོ། །སུ་ལ་སྐྱེ་ཞེ་ན། མི་གཡོ་བ་ལ་ཡིན་གྱི་དགྲ་བཅོམ་པ་གཞན་ལ་ནི་མ་ཡིན་ནོ་ཞེས་པ་དེ་ཐོད་རྒལ་ལ་ཡང་སྦྱོར་རིགས་པའི་ཕྱིར་རོ། །ཞེས་པཎ་ཆེན་ངག་ཆོས་ཀྱི་ཆོས་མངོན་པ་མཛོད་ཀྱི་སྤྱི་དོན་ལས་སོ། ། ཉན་ཐོས་པའི་ལུགས་ཀྱི་ཐོད་རྒལ་སྙོམས་འཇུག་གི་དངོས་གཞི་ནི། རིགས་མི་མཐུན་པ་ཟག་བཅས་ཟག་མེད་སྤེལ་བ་ཡིན་ལ། གསུམ་པར་འགྲོ་བ་ནི་དང་པོའི་གནས་ནས་གཉིས་པ་བོར་ནས་གསུམ་པར་འགྲོ་བ་སྟེ། དེ་ཡང་ཟག་བཅས་བསམ་གཏན་དང་པོ་ལ་འཇུག དེ་ལས་ལངས་ནས་གཉིས་པ་བོར་ནས་ཟག་མེད་བསམ་གཏན་གསུམ་པ་ལ་འཇུག དེ་ནས་བཞི་པ་བོར་ནས་ཟག་བཅས་ནམ་མཁའ་ལ་འཇུག དེ་ནས་རྣམ་ཤེས་བོར་ནས་ཟག་མེད་ཅི་ཡང་མེད་ལ་འཇུག དེ་ནས་སྲིད་རྩེ་བོར་ནས་ཟག་བཅས་ཅི་ཡང་མེད་ལ་འཇུག དེ་ནས་རྣམ་ཤེས་བོར་ལ་ཟག་མེད་ནམ་མཁའ་ལ། དེ་ནས་བཞི་པ་བོར་ནས་ཟག་བཅས་བསམ་གཏན་གསུམ་པ་ལ། དེ་ནས་གཉིས་པ་བོར་ནས་ཟག་མེད་བསམ་གཏན་དང་པོ་ལ་སྙོམས་པར་འཇུག་པའོ། །ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། ། དང་པོ་ནི་ཟག་བཅས་ཀྱི་བསམ་གཏན་དང་པོར་འཇུག བསམ་གཏན་གཉིས་པ་བོར་ནས་རིགས་མི་མཐུན་ཟག་མེད་ཀྱི་བསམ་གཏན་གསུམ་པར་འགྲོ། ཟག་བཅས་བསམ་གཏན་བཞི་བ་བོར་ནས་ཟག་བཅས་དང་རིགས་མི་མཐུན་ཟག་མེད་ཀྱི་ནམ་མཁའ་མཐའ་ཡས་སྐྱེ་མཆེད་ལ་འགྲོ་བའོ། །དེ་ནས་རྣམ་ཤེས་བོར་ནས་ཟག་བཅས་ཀྱི་ཅི་ཡང་མེད་ལ་འགྲོ་བའི་ཚུལ་གྱིས་བར་དུ་ས་རེ་རེ་བརྒལ་ཏེ། ཟག་བཅས་ཟག་མེད་རིགས་མི་མཐུན་པའི་ས་གསུམ་པར་འགྲོ་བའི་སྒོ་ནས་ལུགས་མཐུན་དང་ལུགས་མི་མཐུན་དུ་ཞུགས་པ་ན། ཐོད་རྒལ་གྱི་སྙོམས་འཇུག་དངོས་གཞི་གྲུབ་པ་ཡིན་ནོ། །ཤིན་ཏུ་རིང་བས་བཞི་བ་ལ་མི་འཇུག་ཅིང་། བློ་གསལ་བས་གླིང་གསུམ་གྱི་མིའི་རྟེན་ཅན་དང་། ཉོན་མོངས་པ་མེད་ཅིང་ཏིང་ངེ་འཛིན་ལ་དབང་ཐོབ་པས་མི་གཡོ་ཆོས་ཅན་ཁོ་ནས་སྐྱེད་དོ། །ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། །
Domain	ཆོས་ལུགས།

{{#arraymap:དངོས་གཞི་ཐོད་རྒལ་

|; |@@@ | | }}