25502

དངོས་གཞི་ཐོད་རྒལ་ཆུང་ངུ་ (1)

Part of speech	མིང་ཚིག
Definition	མཚན་ཉིད་ནི། སྦྱོར་བ་སེང་གེ་རྣམ་བསྒྱིངས་སྔོན་དུ་བཏང་ནས་དངོས་གཞི་ཐོད་རྒལ་འབྲིང་པོའི་ཆེད་དུ་མཐར་གནས་ཀྱི་སྙོམས་འཇུག་དགུ་ལ་ཆོས་གཞན་མ་སྤེལ་བར་ལུགས་མཐུན་དུ་སྙོམས་པར་འཇུག་པའི་གནས་སྐབས་ཀྱི་དངོས་གཞིའི་སྙོམས་འཇུག་གོ ། གནས་ཀྱི་གྲངས་ངེས་ནི། དགུར་གྲངས་ངེས་ཏེ། མཐར་གནས་ཀྱི་སྙོམས་འཇུག་ལ་ཆོས་གཞན་མ་སྤེལ་བར་ལུགས་མཐུན་ཁོ་ནར་སྙོམས་པར་འཇུག་པའི་གནས་སྐབས་ཡིན་པའི་ཕྱིར་རོ། ། སྒོམ་པའི་དགོས་པ་ནི། དངོས་གཞི་ཐོད་རྒལ་གྱི་སྙོམས་འཇུག་གི་ནང་དུ་མཐར་གནས་ཀྱི་སྙོམས་འཇུག་ལ་ཆོས་གཞན་མ་སྤེལ་བར་སྙོམས་པར་འཇུག་པ་དང་། རིགས་མཐུན་གྱི་ཆོས་གཞན་སྤེལ་ནས་སྙོམས་པར་འཇུག་པ་དང་། རིགས་མི་མཐུན་གྱི་ཆོས་གཞན་སྤེལ་ནས་སྙོམས་པར་འཇུག་པ་དང་གསུམ་ཡོད་པའི་དང་པོ་ལ་དབང་ཐོབ་པའི་ཆེད་ཡིན་ནོ། །དེ་ལྟར་གསུམ་དགོས་པའི་རྒྱུ་མཚན་ཡང་འདིར་སྙོམས་འཇུག་གི་རིགས་ཐམས་ཅད་འདུས་པའི་ཕྱིར་རོ། ། འོ་ན་འདིར་མཐར་གནས་ཀྱི་སྙོམས་འཇུག་དགུ་ལ་ཆོས་གཞན་མ་སྤེལ་བར་ལུགས་མི་མཐུན་དུ་སྙོམས་པར་འཇུག་པ་གཅིག་ཀྱང་སྒོམ་དགོས་པར་འགྱུར་རོ་སྙམ་ན་སྐྱོན་མེད་དེ། ཆོས་གཞན་མ་སྤེལ་བར་ལུགས་མཐུན་དུ་སྙོམས་པར་འཇུག་པས་ཆོས་གཞན་མ་སྤེལ་བར་སྙོམས་པར་འཇུག་པའི་རིགས་ཐམས་ཅད་ཚང་བར་འགྱུར་བའི་ཕྱིར། འོ་ན་སྦྱོར་བ་སེང་གེ་རྣམ་བསྒྱིངས་ལ་ཡང་ལུགས་མི་མཐུན་མི་དགོས་པར་འགྱུར་རོ་སྙམ་ན། དེར་ནི་དངོས་གཞི་ཐོད་རྒལ་གྱི་ནང་ན་སྙོམས་འཇུག་དགུ་ལས་ལུགས་མི་མཐུན་དུ་སྙོམས་པར་འཇུག་པ་ཡོད་པས་དེའི་སྦྱོར་བ་སྒོམ་དགོས་པའི་ཕྱིར་ན་མི་འདྲའོ། །ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།

{{#arraymap:དངོས་གཞི་ཐོད་རྒལ་ཆུང་ངུ་

|; |@@@ | | }}