25651

དངོས་མེད་ཀྱི་གཞན་སེལ་ (1)

Part of speech	མིང་ཚིག
Definition	དངོས་མེད་གཞན་སེལ་གྱི་མཚན་ཉིད་ནི། རྟོག་ངོར་དོན་བྱེད་ནུས་པ་རྣམ་པར་བཅད་ནས་དངོས་མེད་དུ་སྣང་བའི་སྒྲོ་བཏགས། དབྱེ་བ་ལ། དགག་བྱ་ཤེས་བྱ་ལ་སྲིད་པ་བུམ་མེད་ཀྱི་གཞན་སེལ་ལྟ་བུ་དང་། དགག་ཤེས་བྱ་ལ་མི་སྲིད་པ་རི་བོང་རྭ་མེད་ཀྱི་གཞན་སེལ་ལྟ་བུ་གཉིས་ཡོད་དོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། ། མེད་པ་གཞན་སེལ་གྱི་མཚན་ཉིད་ནི། རང་གི་ཡུལ་ཅན་གྱི་སྒྲ་དང་རྟོག་པས་དོན་བྱེད་ནུས་པ་རྣམ་པར་བསལ་ཙམ་གྱི་བློ་ཆོས་སོ། །དབྱེ་བ་ལ། འདི་ལ་ཡོད་པ་གཞན་སེལ་ལྟར་མངོན་གྱུར་ངེས་པའི་གཞན་སེལ་ནི་མི་འཇོག་སྟེ། དངོས་མེད་ཡིན་ན་མངོན་གྱུར་མིན་དགོས་པའི་ཕྱིར་ཏེ། དངོས་མེད་ལ་ངོ་བོ་མེད་པའི་ཕྱིར་ཏེ་རང་གི་དགག་བྱ་བསལ་ཙམ་གྱི་མེད་དགག་གི་ཆ་ལ་དངོས་མེད་ཅེས་བཏགས་པར་ཟད་པ་ཡིན་གྱི། རྟོག་མེད་ཀྱི་ཤེས་པ་ལ་བསྒྲུབ་པ་རང་དབང་བའི་ཚུལ་གྱི་འཆར་རྒྱུ་མེད་པའི་ཕྱིར། རིགས་པའི་གཏེར་དུ། མེད་པ་གཞལ་སེལ་ལ་མེད་དགག་གིས་ཁྱབ་པར་གསུངས་པ་དེ་གཙོ་ཆེ་བའི་དབང་དུ་བྱས་པ་ཡིན་གྱི། དངོས་མེད་ལ་མེད་དགག་གིས་ཁྱབ་པ་ནི་མ་ངེས་ཏེ། བུམ་པ་དང་གཅིག་དང་། བུམ་པ་དང་འགལ་བ་དང་། དེ་དང་འབྲེལ་པ་ལྟ་བུའོ། །དབྱེ་ན། རྟོག་པ་དོན་མཐུན་གྱི་ངོར་ཡུལ་དུ་སོང་ཚོད་དང་། དོན་མི་མཐུན་གྱི་ངོར་ཡུལ་དུ་སོང་ཚོད་དོ། །དང་པོ་ལ་བུམ་པ་མེད་པ་སོགས་དགག་བྱ་ཤེས་བྱ་ལ་ཡོད་པ་དང། རི་བོང་གི་རྭ་མེད་པ་སོགས་དགག་བྱ་ཤེས་བྱ་ལ་མེད་པའི་དབྱེ་བས་གཉིས་སོ། །ཞེས་དང་། དངོས་པོར་མེད་པ་གཞན་སེལ་གྱི་མཚན་ཉིད་ནི། རང་གི་ཡུལ་ཅན་གྱི་སྒྲ་དང་རྟོག་པས་དོན་བྱེད་ནུས་པ་རྣམ་པར་བསལ་བའི་བློ་ཆོས་གང་ཞིག འཇུག་ཡུལ་རང་མཚན་དང་མ་འབྲེལ་བ་ཞེས་སམ། དེ་གང་ཞིག བཅད་ཞུགས་ཐོབ་གསུམ་མ་ཚང་བའོ། །དབྱེ་ན། དགག་བྱ་ཤེས་བྱ་ལ་ཡོད་པ་དང་མེད་པའི་དབྱེ་བས་གཉིས་སོ། །མཚན་ཉིད་ནི། མེད་པ་གཞན་སེལ་གང་ཞིག རང་གི་ཚིག་ཟིན་གྱི་དགག་བྱ་ཤེས་བྱ་ལ་སྲིད་པ་དང་མི་སྲིད་པའོ། །ཡང་ན་བདེན་པ་རྗེས་དཔག་གི་གཞན་སེལ། མི་བདེན་པ་ལོག་ཤེས་ཀྱི་གཞན་སེལ། མཐའ་གཉིས་པ་ཐེ་ཚོམ་གྱི་གཞན་སེལ་དང་གསུམ་མོ། །མཚན་གཞི་ནི། ནམ་མཁའ་དང་དངོས་མེད་ཀྱི་ཚོགས་དོན་ལྟ་བུ་དང་། སྒྲ་རྟག་པའི་དོན་སྤྱི་ལྟ་བུ་ལ། མོ་གཤམ་གྱི་རྟག་པའི་དོན་སྤྱི་ལྟ་བུའོ། །
Domain	ཚད་མ།

{{#arraymap:དངོས་མེད་ཀྱི་གཞན་སེལ་

|; |@@@ | | }}