2583

ཀོ་ལྤགས་ཀྱི་གཞི་ (1)

Part of speech	མིང་ཚིག
Definition	མདོ། འདུལ་བ། འདུལ་བ་གཞིའི་སྡེ་ཚན། དེའི་ནང་གསེས་ཀོ་ལྤགས་ཀྱི་གཞི་ནི། ཡན་ལག་གི་སྡེ་ཚན་དགུས་བསྟན་ཡོད། བཀའ་འགྱུར་འདུལ་བ་ཀ་པར་བཞུགས།
Domain	ཆོས་ལུགས།

{{#arraymap:ཀོ་ལྤགས་ཀྱི་གཞི་

|; |@@@ | | }}

ཀོ་ལྤགས་ཀྱི་གཞི་ (2)

Part of speech

མིང་ཚིག

Definition

འདུལ་བའི་གོས་ཀྱི་གཞི་གསུམ་གྱི་ཡ་གྱལ་ཞིག དམིགས་བསལ་དང་འབྲེལ་བ་ཀོ་ལྤགས་ཀྱི་གཞི་སྟེ། ཡུལ་དབུས་སུ་དགེ་སློང་རྣམས་གནས་མལ་སྐྱོབ་པ་སོགས་ཆོས་ལྡན་གྱི་བྱ་བའི་ཆེད་དུ་ཀོ་ལྤགས་ཀྱི་ལྷམ་ཙམ་གནང་བ་དང་། གཙུག་ལག་ཁང་གཞན་དུ་སྟན་མེད་ན་ཀོ་ལྤགས་ཀྱི་གདན་གནང་བ་དང་། མཐའ་འཁོབ་ཏུ་གྲང་བ་སྐྱོབ་པའི་ཕྱིར་ལྷམ་དང་མལ་སྟན་གཉིས་ཀ་གནང་བའོ། །དེ་ཡང་པཎ་ཆེན་གྱི་འདུལ་བ་ལུང་རིགས་ཉི་མ་ལས། དེ་ལྟར་གོས་ཀྱི་གཞི་བཤད་ནས། ད་ནི་ཀོ་ལྤགས་ཀྱི་གཞི་བཤད་པར་བྱ་བ་ཡིན་ལ། དེའི་དབང་དུ་མཛད་ནས། ཡུལ་དབུས་ཀྱི་མཚམས་སོ། །ཤར་དུ་ནི་ལི་ཁ་ར་ཤིང་འཕེལ་གྱི་མདུན་གྱི་ནགས་ཞེས་སོགས་ཀྱི་མདོ་གསུངས། དོན་བཤད་ན་བཞིར་འགྱུར་ཏེ། ཡུལ་དབུས་དང་མཐའ་འཁོབ་ཀྱི་མཚམས་བསྟན་པ། མཆིལ་ལྷམ་གནང་བ་དང་མི་གནང་བའི་མཚམས། ཀོ་ལྤགས་རུང་བ་དང་མི་རུང་བའི་མཚམས། ཆུ་ལ་ལོངས་སྤྱོད་པའི་ཐབས་རྣམས་སུ་ཡོད་པའི་ཕྱིར། དང་པོ་ཡོད་དེ། རྡོ་རྗེ་གདན་དབུས་སུ་བཞག་པའི་ཤར་ན་ལི་ཁ་རའི་ཤིང་ཚང་ཚིང་ཅན་ཡོད་པ་དེ་ཚུན་ཆད་དབུས་དང་། ཕན་ཆད་མཐའ་འཁོབ་ཡིན། ལྷོ་ན་ཆུ་ཀླུང་དེ་བ་ཞེས་པ་ཡོད་པ་དེ་ཚུན་ཆད་དབུས་དང་ཕན་ཆད་མཐའ་འཁོབ་ཡིན། ནུབ་ན༌བྲམ་ཟེའི་གྲོང་ཀ་བ་དང་ཉེ་བའི་ཀ་བ་གཉིས་ཡོད་པ་དེ་ཚུན་ཆད་དབུས་དང་། ཕན་ཆད་མཐའ་འཁོབ་ཡིན། བྱང་ན་ཨུ་ཤི་རིའི་རི་ཡོད་པ་དེ་ཚུན་ཆད་དབུས་དང་། ཕན་ཆད་མཐའ་འཁོབ་ཡིན་པའི་ཕྱིར། དེ་བཞི་དང་རྡོ་རྗེ་གདན་གྱི་བར་ཐག་ཏུ་དཔག་ཚད་དྲུག་ཅུ་ཡོད་པར་ལོ་ཙྪ་བ་མང་པོས་འཆད་ཀྱང་བཅུ་དྲུག་ཡོད་པ་རང་ལུགས་སུ་བྱའོ། །ཁ་ཅིག ། ཤིང་ཚང་ཚིང་ཅན་སོགས་བཞི་པོ་ཡུལ་དབུས་དང་མཐའ་འཁོབ་གར་གནས་དཔྱད་པ་ནི་བདག་ཉིད་ངལ་བར་བྱེད་པ་ཡིན་ཏེ། དེ་བཞི་དབུས་དང་མཐའ་འཁོབ་ཀྱི་མཚམས་ཡིན་པའི་ཕྱིར་ཏེ། ཡུལ་དབུས་ཀྱི་མཚམས་སོ་ཞེས་འབྱུང་བས་སོ། །རྩ་རྟགས་གཉིས་པ་ཡོད་དེ། སྤྱིར་བཏང་ལ་ཡུལ་དབུས་སུ་མཆིལ་ལྷམ་མ་གནང་ལ། མཐའ་འཁོར་ཏུ་གནང་བའི་ཕྱིར་ཏེ། མདོར་མཐའ་འཁོབ་ཏུ་མཆིལ་ལྷམ་དག་བཅང་བར་བྱའོ་ཞེས་འབྱུང་བས་སོ། །དམིགས་ཀྱིས་བསལ་ན། དབུས་སུའང་མཆིལ་ལྷམ་གནང་བ་ཡོད་དེ། གནས་མལ་སྐྱོབ་པའི་ཕྱིར་ཡང་ངོ་ཞེས་གསུངས། གསུམ་པ་ཡོད་དེ། སྤྱིར་བཏང་ལ་ཡུལ་དབུས་སུ་ཀོ་ལྤགས་ལ་ལོངས་སྤྱད་དུ་མི་རུང་ལ། མཐའ་འཁོབ་ཏུ་ལོངས་སྤྱོད་དུ་རུང་བའི་ཕྱིར་ཏེ། དེར་ཀོ་ལྤགས་ཀྱི་གདིང་བ་དང་། ལྷམ་སྦུ་གཞུ་ཅན་ལ་ལོངས་སྤྱད་དུ་རུང་བའི་ཕྱིར། དམིགས་ཀྱིས་བསལ་ན་ཡུལ་དབུས་སུའང་དེ་ལ་ལོངས་སྤྱོད་དུ་རུང་བ་ཡོད་དེ། དེར་མིག་ནད་ཅན་གྱི་རྐང་མཐིལ་དུ་དོམ་ལྤགས་དང་། རླུང་ནད་ཅན་གྱིས་དོམ་ལྤགས་ཀྱི་སྟན་ལ་ལོངས་སྤྱོད་དུ་རུང་བར་གསུངས་པའི་ཕྱིར། ཞེས་གསུངས།

{{#arraymap:ཀོ་ལྤགས་ཀྱི་གཞི་

|; |@@@ | | }}