26040

དཔལ་གསང་བ་འདུས་པའི་བཤད་སྦྱར་སྙིམ་པའི་མེ་ཏོག་ (1)

Part of speech

མིང་ཚིག

Definition

སློབ་དཔོན་ཆེན་པོ་རཏྣ་ཨཱ་ཀ་ར་ཤཱནྟིས་མཛད་པའི་དཔལ་གསང་བ་འདུས་པའི་བཤད་སྦྱར་སྙིམ་པའི་མེ་ཏོག པཎྜི་ཏ་ཆེན་པོ་ཤཱནྟ་བྷ་དྲ་དང༌། ཞུ་ཆེན་གྱི་ལོ་ཙཱ་བ་ཆེན་པོ་འགོས་ལྷས་བཙས་ཀྱིས་བསྒྱུར་ཅིང་ཞུས་ཏེ་གཏན་པ་ཕབ། བུ་སྟོན་དཀར་ཆག་ཏུ་ཆོས་ཚན་“འདི་ཡེ་ཤེས་ཞབས་ཀྱི་རྗེས་འབྲང་བྱ་བའི་དམིགས་བསལ་མི་འདུག་ནའང་། ལྷའི་བསྐྱེད་ཆོག་ལ་སོགས་ཡེ་ཤེས་ཞབས་ལུགས་དང་མཐུན་པར་བྱུང་ཞིང་། སྔར་གྱི་མཁས་པ་དག་གིས་ཀྱང་ཡེ་ཤེས་ཞབས་ལུགས་ཀྱི་ཕྱོགས་སུ་བྲིས་འདུག་པས་འདིར་ཡང་དེ་ལྟར་བྲིས་སོ། །ཞེས་གསུངས་ལ། སྡེ་དཀར་དུའང་གོང་གི་བུ་སྟོན་གྱི་གསུང་ལྟར་འཁོད། པེ་ཅིང་པར་མ་དང་། སྣར་ཐང་པར་མའི་དཀར་ཆག་ཏུ་བུ་སྟོན་གྱི་དཀར་ཆག་དེ་བུ་སྟོན་གྱི་དཀར་ཆག་ལ་གཞིར་བཟུང་ནས་བསྒྲིགས་པ་དང་། བུ་སྟོན་དཀར་ཆག་ཏུ་ཆོས་ཚན་ ༠༧༥༧ པ་མེད་པས་པེ་ཅིང་པར་མ་དང་། སྣར་ཐང་དཀར་ཆག་ཏུ་གསར་དུ་སྣོན་སྐབས་བཞག་ས་ནོར་བ་རེད་འདུག བསྟན་འགྱུར་རྒྱུད་ཐི་པར་བཞུགས།