26049

དཔལ་གསང་བ་འདུས་པའི་རྒྱུད་ཀྱི་དཀའ་འགྲེལ་ (1)

Part of speech

མིང་ཚིག

Definition

སློབ་དཔོན་རྒྱལ་བས་བྱིན་གྱིས་མཛད་པའི་དཔལ་གསང་བ་འདུས་པའི་རྒྱུད་ཀྱི་དཀའ་འགྲེལ། སླད་ཀྱི་པཎྜི་ཏ་ཆེན་པོ་ཤྲཱི་སུ་ན་ཡ་མི་ཏྲ་དང་། ལོ་ཙཱ་བ་ཆེན་པོ་དར་མ་གྲགས་ཀྱིས་ཀྱང་བཅོས། བུ་སྟོན་དང་པེ་ཅིང་པར་མ་དང་། སྣར་དཀར་ཆག་ཏུ་གསང་འདུས་རྒྱུད་ལེའུ་བཅུ་བདུན་པ། རྒྱུད་ཕྱི་མ་ལེའུ་བཅོ་བརྒྱད་པ་དང་བཅས་པའི་འགྲེལ་པ་སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པ་གཉིས་བཞུགས་སོ། །ཞེས་དང་། སྡེ་དཀར་ལ་དཔལ་གསང་བ་འདུས་པའི་རྒྱུད་ཀྱི་དཀའ་འགྲེལ་ཞེས་བྱ་བ་རྩ་རྒྱུད་ལེའུ་བཅུ་བདུན་སློབ་དཔོན་རྒྱལ་བས་བྱིན་གྱིས་མཛད་པ་དང་། རྒྱུད་ཕྱི་མ་ལེའུ་བཅོ་བརྒྱད་པ་དང་བཅས་པའི་འགྲེལ་པ་སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པ་གཉིས། ”ཞེས་ཆོས་ཚན་གཉིས་སུ་བགྲངས་འདུག་ཀྱང་། འདི་གཞུང་གཅིག་ཡིན་པ་དང་། མཛད་པ་པོ་དང་འགྱུར་བ་པོའང་གཅིག་ཡིན་ཕྱིར་བསྟན་འགྱུར་དཔེ་བསྡུར་མ་ལ་ཆོས་ཚན་གཅིག་བྱས་ཏེ་བསྒྲིགས་ཡོད། བསྟན་འགྱུར་རྒྱུད་ཉི་པར་བཞུགས།