26106

དཔལ་ཆེན་འོད་པོ་ (1)

Part of speech

མིང་ཚིག

Definition

རབ་བྱུང་གསུམ་པའི་ལྕགས་རྟ་ཕྱི་ལོ ༡༡༥༠ ལོར་དཔལ་ལྡན་ས་སྐྱར་ཡབ་ས་ཆེན་ཀུན་དགའ་སྙིང་པོ་དང་། ཡུམ་མ་གཅིག་འོད་སྒྲོན་གཉིས་ཀྱི་སྲས་སུ་འཁྲུངས། གཅེན་པོ་ཆེ་བ་སློབ་དཔོན་བསོད་ནམས་རྩེ་མོ་ཡིན་ལ། གཅེན་པོ་ཆུང་བ་རྗེ་བཙུན་གྲགས་པ་རྒྱལ་མཚན་ཡིན། ཐུགས་བརྟན་ལ། བརྩོན་འགྲུས་ལྡན། ཡབ་མེས་ཀྱི་ཆོས་ལ་སྦྱངས། མན་ངག་མང་པོ་ཐུགས་སུ་མངའ། ཐུན་མོང་གི་རིག་གནས་ཀུན་ལ་མཁས། གསོ་བ་རིག་པ་ལ་མཁས། སྐུ་ཚེ་གང་བོར་སྨན་པ་མཛད། འགྲོ་བ་མང་པོའི་དོན་མཛད། རབ་བྱུང་གསུམ་པའི་ཆུ་ཕག་ཕྱི་ལོ ༡༢༠༣ ལོར་སྐུ་གཤེགས། གསུང་རྩོམ་གསོ་བ་རིག་པའི་བསྟན་བཅོས་བརྒྱད་ཆུང་ཉི་མའི་འོད་ཟེར་བཞུགས།