26164

དཔལ་ན་ལེནྡྲ་ (1)

Part of speech

མིང་ཚིག

Definition

ཤྲཱི་ན་ལེནྡྲ་ཞེས་ཀྱང་འབྱུང་ལ། བསྒྱུར་ན་འདམ་བུ་སྦྱིན་ཞེས་པ་ཡིན། མདོ་སྡེ་རྒྱན་ལས། འདམ་བུ་སྦྱིན་བྱ་བའི་གྲོང་ན་ཞེས་ཤཱ་རི་བུའི་འཁྲུངས་ཡུལ་ལ་འདམ་བུ་སྦྱིན་དུ་བསྒྱུར་རོ། །འདི་ནི་རྒྱ་གར་ཡུལ་དབུས་རྡོ་རྗེ་གདན་གྱི་བྱང་ཆུབ་ཆེན་པོའི་ཕོ་བྲང་དང་ཉེ་བར་ཡོད་ལ། སྔོན་འཕགས་པ་ཤཱ་རིའི་བུ་འཁྲུངས་ཤིང་། མཐར་ཡང་འཁོར་དགྲ་བཅོམ་པ་ཁྲི་ཕྲག་བརྒྱད་དང་བཅས་ཏེ་མྱ་ངན་ལས་འདས་པའི་ཡུལ་ཡིན། བར་སྐབས་སུ་བྲམ་ཟེའི་གྲོང་ནི་སྟོངས་ཤིང་། ཤཱ་རི་བུའི་མཆོད་རྟེན་ཞིག་ཡོད་པ་ལ་ཆོས་རྒྱལ་མྱ་ངན་མེད་ཀྱིས་རྒྱ་ཆེར་མཆོད་ནས་གཙུག་ལག་ཁང་ཆེན་པོ་ཞིག་བཞེངས་སོ། །དེ་ནས་བཀའ་བསྡུ་བ་གསུམ་པ་བྱས་པའི་རྗེས་སུ་ཐེག་ཆེན་གྱི་དང་པོའི་སློབ་དཔོན་ལྔ་བརྒྱས་ཐེག་པ་ཆེན་པོའི་ཆོས་བསྟན་ནས་ཤིན་ཏུ་དར་བར་འགྱུར་བའི་མཚན་མ་གཟིགས་ནས་བྲམ་ཟེ་སློབ་དཔོན་ཐོ་བཙུན་གྲུབ་རྗེ་སྐུ་མཆེད་ཀྱིས་གཙུག་ལག་ཁང་བརྒྱད་བཞེངས་ཏེ། ཐེག་པ་ཆེན་པོའི་སྡེ་སྣོད་ཀྱི་གླེགས་བམ་མཐའ་དག་བཞུགས་པར་བྱས་སོ། །རྒྱས་པར་མཛད་པ་ནི་སློབ་དཔོན་སྒྲ་གཅན་འཛིན་བཟང་པོ་དང་སློབ་དཔོན་ཀླུ་སྒྲུབ་ཡིན། དེ་རྒྱ་གར་གྱི་དགེ་འདུན་གྱི་སྡེ་རྣམས་ཀྱི་ནང་ནས་རྒྱ་ཆེ་ཞིང་མཆོག་ཏུ་གྱུར་པ་ཞིག་ཡིན།

{{#arraymap:དཔལ་ན་ལེནྡྲ་

|; |@@@ | | }}