26507

དཔལ་ལྡན་གཤིན་རྗེའི་གཤེད་དམར་པོའི་རྒྱུད་ཀྱི་རྒྱལ་པོ་ཞེས་བྱ་བ་ (1)

Part of speech

མིང་ཚིག

Definition

སྐད་གཉིས་སྨྲ་བ་ཆེན་པོ་ཐར་པ་ལོཙྪ་བའི་བཀའ་དྲིན་གྱིས་བསྐྱངས་པ་བོད་ཀྱི་ལོཙྪ་བ་ཤཱཀྱའི་དགེ་སློང་རིན་ཆེན་གྲུབ་ཀྱིས་ཆོས་ཀྱི་རྗེ་ཁྲོ་ཕུ་ལོཙྪ་བའི་གདན་ས་གནས་གསར་དགོན་པར་བསྒྱུར་ཅིང་ཞུས་ཏེ་གཏན་ལ་ཕབ། འདི་སྔར་བུ་སྟོན་རིན་ཆེན་གྲུབ་ཀྱིས་རང་འགྱུར་དུ་མཛད་པ་ལ་རྒྱུད་ཀྱི་དོན་ལ་མཁས་པའི་དམ་པ་འགའ་ཞིག་གིས་གཞུང་འཁྲུག་པ་དང་འགྱུར་མ་བདེ་བའི་དོགས་གནས་དཔྱད་གཞིར་མཛད་པར་བརྟེན། རྒྱ་དཔེ་རྙེད་ན་འགྱུར་བཅོས་བྱེད་དགོས་དཔལ་རིག་པ་འཛིན་པའི་དབང་ཕྱུག་མཆོག་གི་བཀས་བསྐུལ་ཏེ། ནེ་པཱ་ལའི་ཡུལ་ནས་རྒྱ་དཔེ་བཙལ་ནས། འགྱུར་རྙིང་ལ་རྒྱ་དཔེར་ཚིགས་བཅད་ཡོད་པ་ཚིག་ལྷུག་ཏུ་བྱས་པ་འགའ་ཞིག་དང་ཚིག་མི་བདེ་བ་ལྟར་སྣང་ཡང་དོན་ལ་མི་འགལ་བ་རྣམས་རང་སོར་བཞག་ཅིང་འཁྲུག་སྡེབ་པར་འོས་པ་འགའ་ཞིག་སྣང་ཡང་རྒྱུད་གཉན་པོར་གྱུར་པས་མཆན་བཀོད་ཙམ་ལས་རྔོ་མ་ཐོགས། གཞན་མི་བཅོས་སུ་མི་རུང་བ་རྣམས་བློ་ནུས་དང་ཇི་ལྟར་འཚམ་པར་ལེགས་པར་བཅོས་ཤིང་གཏན་ལ་ཕབ་སྟེ། ཐུབ་བསྟན་ཆོས་འཁོར་གྱི་དགོན་པར་ཆོས་སྨྲ་བ་བསྟན་པའི་ཉིན་བྱེད་ཀྱིས་ཞུ་ཆེན་བགྱིས། བཀའ་འགྱུར་རྒྱུད་འབུམ་ཇ་པར་བཞུགས།