26621

དཔལ་སྤུངས་ཀུན་རིགས་སྒྲུབ་སྡེ་ (1)

Part of speech

མིང་ཚིག

Definition

འཇམ་དབྱངས་མཁྱེན་བརྩེ་དབང་པོའི་གསུང་གི་སྤྲུལ་པ་ཧོར་བེ་རི་རྒྱལ་པོའི་སྲས་སུ་འཁྲུངས་པའི་བེ་རི་འཇམ་དབྱངས་མཁྱེན་བརྩེའམ་མཚན་གཞན་ཀརྨ་འཇམ་དབྱངས་མཁྱེན་བརྩེའི་འོད་ཟེར་ཞེས་ཡོངས་སུ་གྲགས་པའི་མཁས་གྲུབ་ཆེན་པོ་དེ་ཉིད་དགུང་གྲངས་ཞེ་བདུན་ཕེབས་སྐབས། བོད་རབ་བྱུང་བཅུ་དྲུག་པའི་མེ་བྱི་ལོ་སྟེ་ཕྱི་ལོ་ ༡༩༣༧ལོར་བྱམས་མགོན་སི་ཏུ་པདྨ་དབང་མཆོག་རྒྱལ་པོའི་བཀའ་དགོངས་དང་འབྲེལ་གདན་ས་དཔལ་སྤུངས་སུ་ཀུན་རིག་སྒྲུབ་ཁང་གི་རྟེན་དང་བརྟེན་པར་བཅས་གསར་བཞེངས་མཛད། སྒྲུབ་ཁང་འདི་ནི་ནཱ་རོ་དང་ནི་གུ་སྒྲུབ་སྡེ་གཉིས་ནས་ལོ་གསུམ་ཕྱོགས་གསུམ་ཐོན་རྗེས་དུས་ཡུན་ལོ་གཅིག་གི་རིང་ཀུན་རིག་དང་མི་འཁྲུགས་པ་རྡོར་སེམས་སོགས་རྒྱུད་སྡེ་འོག་མ་ཁག་བསྙེན་སྒྲུབ་བྱ་རྒྱུའི་སྒྲུབ་པའི་རྒྱུན་བཙུགས་མཛད། བོད་ཀྱི་དུས་འགྱུར་སྐབས་འཐོར་ཞིག་ཏུ་གྱུར་ཀྱང་། སླར་ཡང་ཕྱི་ལོ་ ༡༩༨༦ ལོར་དགོན་སྡེ་ཐུན་མོང་གིས་ཐུགས་ཁུར་བཟང་པོའི་འོག་བསྐྱར་བཞེངས་ལེགས་པར་གྲུབ་པ་ནས་བཟུང་ད་ལྟའི་བར་དུ་དར་ཞིང་རྒྱས་བཞིན་པ་བཅས་སོ། །