27248
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སྡོམ་གསུམ། སྨིན་པར་བྱེད་པའི་དབང་བསྐུར་ཡང། །བླ་མ་བརྒྱུད་པ་མ་ཉམས་ཤིང། །ཆོ་ག་འཁྲུགས་པར་མ་གྱུར་པ། །ཕྱི་ནང་རྟེན་འབྲེལ་བསྒྲིག་མཁྱེན་ཅིང། །སྐུ་བཞིའི་ས་བོན་ཐེབས་ནུས་པ། །སངས་རྒྱས་གསུང་བཞིན་མཛད་པ་ཡི། །བླ་མ་བཙལ་ལ་དབང་བཞི་བླང། །དེ་ཡིས་སྡོམ་པ་སུམ་ལྡན་འགྱུར། །ཞེས་ས་པཎ་སྡོམ་གསུམ་རབ་དབྱེ་ལས་སོ། ། སྨིན་གྲོལ་གཉིས་ལ་འབད་པར་བྱ། །ཞེས་པའི་སྨིན་པར་བྱེད་པ་དེ་ཡང་རྡོ་རྗེ་འཆང་ནས་རྩ་བའི་བླ་མའི་བར་དུ་བླ་མ་བརྒྱུད་པ་མ་ཉམས་ཤིང། སྦྱོར་དངོས་རྗེས་གསུམ་གྱི་ཆོ་ག་འཁྲུགས་པར་མ་གྱུར་པ་དང། ཕྱི་དང་ནང་གི་རྟེན་འབྲེལ་བསྒྲིག་མཁྱེན་ཅིང་སློབ་མའི་ཕུང་ཁམས་སྐྱེ་མཆེད་ལ་སྐུ་བཞིའི་ས་བོན་ཐེབས་ནུས་པ་སྟེ། མདོར་ན་སངས་རྒྱས་ཀྱི་རྒྱུད་ནས་གསུང་བ་བཞིན་མཛད་པའི་བླ་མ་བཙལ་ལ་དབང་བཞི་བླང་བར་བྱ་སྟེ། དེ་ཡིས་རྟེན་གྱི་གང་ཟག་དེ་སྡོམ་པ་གསུམ་ལྡན་དུ་འགྱུར་རོ། །དེ་ཡང་སྔར་སྡོམ་པ་འོག་མ་གཉིས་པོ་བླངས་པ་ཡིན་ན་དབང་བསྐུར་གྱི་ཚེ་སྔགས་སྡོམ་དུ་གནས་འགྱུར་ལ། སྔར་མ་བླངས་ན་སྟ་གོན་གྱི་ཚེ་སོ་ཐར་དང་བྱང་སེམས་ཐོབ་པར་རྗེ་བཙུན་གྱིས་གསུངས་པ་ལ་ཚད་མར་བྱའོ། །ཞེས་ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས་སོ། ། |
| Domain | ཆོས་ལུགས། |
{{#arraymap:དབང་བཞི་ཞུ་སའི་བླ་མ་
|; |@@@ | | }}