27292

དབང་བསྒྱུར་གྱི་སྤྱོད་པ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་གསུངས་པའི་སྤྱོད་པ་གསུམ་གྱི་ཡ་གྱལ་ཞིག་སྟེ། སྦྱོར་སྒྲོལ་ལ་སོགས་པ་ལ་རྟོགས་པའི་ལྟ་བས་དབང་བསྒྱུར་ནས་སྤྱོད་པའི་ཕྱིར་དབང་བསྒྱུར་བའི་སྤྱོད་པ་ཞེས་བྱ། གཟི་ལྡན་འཆར་ཁའི་འོད་སྣང་ལས། དབང་བསྒྱུར་གྱི་སྤྱོད་པ་ནི། རྒྱལ་པོ་ལ་གདུལ་ཞིང་རྒྱ་ཆེ་ཆུང་ཡོད་པ་ལྟར། ལམ་གོང་འོག་ལ་བློ་ཆེ་ཆུང་ཡོད་པས་སྤྱོད་པ་རྒྱ་ཆེ་ཆུང་ཡོད་དེ་གཞན་དོན་གྱི་སྤྱོད་པའོ། །ཞེས་དང་། དཔེར་ན་རྒྱལ་པོ་དེ་ཡང་སྐུ་བསོད་ནམས་ཀྱི་སྟོབས་ཆེ་ཆུང་གི་ཁྱད་པར་གྱིས་མངའ་ཐང་གི་དབང་བསྒྱུར་བར་བྱ་བའི་ཡུལ་ལྗོངས་དང་གྲོང་ཁྱེར་དང་རྒྱལ་ཁམས་རྣམས་ལ་ཆེ་ཆུང་གི་རིམ་པ་ཡོད་པ་བཞིན་དུ། ཐེག་པ་མཆོག་གི་རྣལ་འབྱོར་པ་ཡིས་བདག་གཞན་གྱི་དོན་དུ་གསང་སྔགས་མཆོག་གི་སྤྱོད་ཚུལ་གྱི་ཁྱད་པར་ཡང༌། རྣལ་འབྱོར་རྣམ་པ་ལྔ་དང་བཅུའི་སྐབས་ཀྱི་སྤྱོད་པའང་དེ་ལྟར་སྐས་ཀྱི་གདངས་བུ་བཞིན་དུ་ཁྱད་པར་གྱི་རིམ་པ་སྣང་བ་ཡོད་དོ། །ལྔའི་སྤྱོད་པ་ནི་སྔར་བཤད་པ་དག་གོ ། དེའང་དཔེར་ན། མཁར་གྱི་རྒྱལ་པོ་རྒྱལ་ཆེན་ལ་ངོ་དགའ་དགོས་པ་བཞིན་ཟག་བཅས་ཀྱི་རྣལ་འབྱོར་ལ་གནས་པའང་བག་ཚ་བ་དང་བཅས་ཏེ་ཟག་མེད་མཐོང་བའི་ཐབས་སྤྱོད་ལ་འབད་དགོས་ཤིང༌། གླིང་གཅིག་ལ་དབང་བའི་འཁོར་བསྒྱུར་ཡང་གོང་མ་ལ་བག་ཚ་བ་ཡོད་པ་ལྟར་དབུགས་ཆེན་འབྱིན་པའི་རྣལ་འབྱོར་པ་ཡང༌། གོང་མའི་ལྟ་དགོངས་ལ་གོམས་རིམ་གྱི་རྗེས་སུ་སྤྱོད་པ་ལྟོས་པའང་ཡིན་ལ། གླིང་བཞི་ལ་དབང་བའི་འཁོར་སྒྱུར་ལ་བག་ཚ་བ་མེད་པ་བཞིན་རྩལ་ཆེན་རྫོགས་པ་ལ་ལྟ་བའི་ཁྱད་པར་ལ་ལྟོས་པའི་སྤྱོད་པའི་ཐ་སྙད་མི་མངའ་འོ། །བཅུའི་སྤྱོད་པ་ནི་འཆད་པར་འགྱུར་རོ། །ཞེས་པ་ལྟར་རྣལ་འབྱོར་ལྔ་དང་བཅུའི་རིམ་པ་ལྟར་སྤྱོད་པ་ལྔ་དང་བཅུར་དབྱེར་ཡོད།
Domain	ཆོས་ལུགས།

{{#arraymap:དབང་བསྒྱུར་གྱི་སྤྱོད་པ་

|; |@@@ | | }}