27337

དབང་མོ་ཉི་ཤུ་རྩ་བརྒྱད་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། དབང་མོ་ཉི་ཤུ་རྩ་བརྒྱད་ནི་དཔལ་ཆེན་པོའི་འཁོར་དུ་གནས་ཤིང་གཙོ་བོའི་བཀའ་ལྟར་སྒྲུབ་པའི་དབང་ཕྱུག་མ་ཉེར་བརྒྱད་དེ། ཕྱོགས་བཅུའི་མུན་སེལ་ལས། དབང་མོ་ཉི་ཤུ་རྩ་བརྒྱད་ཀྱི་བཀོད་པ་ནི། སླས་ཆུང་མ་དང་བྱི་མོ་མཛའ་མོ་དང་བྲན་མོའི་ཚོགས་ནི་གཡོག་གི་ལས་བྱེད་པའི་ཆ་ནས་བཏགས་ཏེ་དེ་ལྟར་བཅུ་ཕྲག་གཉིས་དང་ནི་བརྒྱད་ཀྱིས་མཛེས་པར་བསྐོར་བའོ། །དེ་དག་རང་རང་གི་འོག་ན་རོའི་གདན་དང་ཐོད་རློན་ལ་སོགས་པའི་ལག་ཆ་དང་བཅས་ཏེ་འཕྲིན་ལས་ཅི་བགྱི་ཞེས་ནི་ཆས་ཏེ་འཁོར་བར་གནས་སོ། ། ཇི་ལྟར་གནས་ན། སྲིན་མོ་སྨུག་ནག་ཐོད་རློན་འཆང་བ་དང་། ཚངས་པ་དམར་སེར་པདྨ་འཛིན་པ་དང་། འཁྲུག་མོ་དཀར་ལྗང་ཏྲི་ཤུལ་འཛིན་པ་དང་། རྟོགས་འདོད་སྔོན་མོ་འཁོར་ལོ་ཐོགས་པ་དང་། གཞོན་ནུ་དམར་མོ་མདུང་ཐུང་འཛིན་པ་དང་། དབང་མོ་དཀར་མོ་རྡོ་རྗེ་འཛིན་པ་དང་། འདོད་པ་དམར་མོ་ཙནྡན། བདུད་རྩི་དམར་མོ་པདྨ། ཟླ་བ་དཀར་མོ་པུཎྜརིཀ བཻ་ཅོན་ལྗང་གུ་དབྱུག་ཏོ། སྲིན་མོ་དམར་ནག་དུང་ཁྲག་འཐུང་བ། ཟ་བ་ལྗང་ནག་རོ་ཡི་རྒྱུ་མ་འདྲེན་པ། དགའ་བ་དམར་མོ་གྲི་གུག མྱོས་མ་དམར་མོ་གཤོལ། གཅིག་པུར་སྤྱོད་མ་སེར་མོ་སྤུ་གྲི། ཡིད་འཕྲོག་དམར་མོ་མདའ་གཞུ། གྲུབ་མོ་དཀར་མོ་བུམ་པ། རླུང་ལྷ་སྔོན་མོ་བ་དན། གསོད་བྱེད་དཀར་མོ་རལ་གྲི། མེ་མོ་དམར་མོ་གསལ་ཤིང་། ཕག་མོ་ནག་མོ་མཆེ་ཞགས། རྒན་བྱེད་ནག་མོ་ཞིང་ཟ་བ་དང་། སྣ་འཕྱང་དཀར་མོ་ཐོད་ཁྲག་འཐུང་བ། ཆུ་ལྷ་དམར་མོ་སྦྲུལ་ཞགས། ནག་མོ་ཆེན་མོ་ལྕགས་ཀྱུ། སེར་མོ་ཞགས་པ། དམར་མོ་ལྕགས་སྒྲོག ནག་མོ་དྲིལ་བུ་འཁྲོལ་བའོ། །ཞེས་གསུངས།
Domain	ཆོས་ལུགས།