27474

དབུ་མ་ཆེ་ཆུང་གཉིས་ (1)

Part of speech	མིང་ཚིག
Definition	མདོ། དབུ་མ། སྔགས། རྣལ་འབྱོར་བླ་མེད་རྒྱུད། ཇོ་ནང་། དབུ་མ་པ། རྗེ་བཙུན་ཏཱ་ར་ནཱ་ཐས་མཛད་པའི་དབུ་མ་རྣམ་ངེས་ཟིན་བྲིས་ལས། སྤྱིར་དབུ་མ་ཞེས་པ་གྲུབ་མཐའ་སྨྲ་བ་བཞིའི་ཟླས་ཕྱེ་བའི་དབུ་མ་དེ་ཡིན་ཞིང་། དེ་ལ་ཡང་རང་སྟོང་སྨྲ་བའི་དབུ་མ་ནི་དབུ་མ་ཆུང་ངུ་དང་། གཞན་སྟོང་སྨྲ་བའི་དབུ་མ་ནི་དབུ་མ་ཆེན་པོའོ། །དེ་ལྟར་འཇོག་པའི་རྒྱུ་མཚན་ཡང་། ཐལ་རང་སོགས་རིགས་པས་དཔྱད་པའི་རྗེས་དཔག་ལ་བརྟེན་ནས་རྙེད་པའི་སྟོང་པ་ཙམ་ལ་དབུ་མར་འཇོག་པའི་ཕྱིར་དབུ་མ་ཆུང་ངུ་དང་། ཕྱི་མ་ནི་དཔྱད་པ་མེད་པར་རྣམ་པར་མི་རྟོག་པའི་ཚུལ་གྱིས་བཞག་པའི་གནས་ལུགས་ཀྱི་དོན་ལ་དེར་བཞག་པའི་ཕྱིར་དབུ་མ་ཆེན་པོའོ། །ཞེས་བྱུང་། ཇོ་ནང་ཏཱ་ར་ནཱ་ཐའི་གཞན་སྟོང་སྙིང་པོ་ལས། བོད་དུ་གཞན་སྟོང་དུ་གྲགས་པ་རྣམ་རིག་གི་དབུ་མ་སྟེ། རྗེ་བཙུན་བྱམས་པའི་གཞུང་དང། འཕགས་པ་ཐོགས་མེད་དང། མཁས་མཆོག་དབྱིག་གཉེན་གྱིས་གསལ་བར་མཛད་ཅིང། འཕགས་པ་ཀླུ་སྒྲུབ་ཀྱིས་ཆོས་དབྱིངས་བསྟོད་པར་ཡང་ཆེས་གསལ་བས། འཕགས་མཆོག་གཉིས་ཅར་གྱི་བཞེད་པ་གཞན་སྟོང་ཡིན་ནོ། །ཞེས་འབྱུང་ངོ་། །
Domain	ལྟ་གྲུབ།