27481
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། དབུ་མ། ཚད་མའི་མཚན་ཉིད་ནི། མི་སླུ་བའི་རིག་པའོ། །གང་ལ་མི་སླུ་ན། གནས་སྐབས་གཉིས་ལས། ཐ་སྙད་ཀྱི་བདེན་པ་ལ་དང། གནས་ཚུལ་སེམས་པ་ལ་ཞུགས་པའི་ཚེ་ནི། དོན་དམ་པའི་བདེན་པ་ལའོ། །ཇི་ལྟར་མི་སླུ་ན། བློས་ཇི་ལྟར་དཔྱད་པ་དང། དོན་ལ་གནས་ཚུལ་མཐུན་པའོ། །ཀུན་རྫོབ་ཀྱི་བདེན་པ་ལ་གནས་པའི་དུས་ཀྱི་དང་། དོན་དམ་པའི་བདེན་པ་ལ་འཇུག་པའི་དུས་ཀྱི་གནས་ཚུལ་ལོ། །དང་པོ་ནི། སྤྱིར་འཇིག་རྟེན་རང་ལུགས་ཀྱི་ཀུན་རྫོབ་ནི། ཟླ་བ་གཉིས་སྣང་གི་དབང་ཤེས་ལ་སྣང་བའི་ཟླ་གཉིས་ལྟ་བུ་ནི་ཀུན་རྫོབ་དང་། ཟླ་བ་གཅིག་སྣང་བའི་དབང་ཤེས་ཀྱི་ཡུལ་དུ་གྱུར་པའི་ཟླ་གཅིག་ལྟ་བུ་ནི་དོན་དམ་པའི་བདེན་པའོ། །རྒྱུ་མཚན་དེའི་ཕྱིར་ཟླ་བ་གཉིས་སྣང་གི་དབང་ཤེས་ནི་སླུ་བ་ཡིན་ཏེ། ཡུལ་ཅན་གྱི་བློས་བཅད་པ་དང་འཇུག་ཡུལ་གྱི་གནས་ཚུལ་མི་མཐུན་པའི་ཕྱིར། ཟླ་བ་གཅིག་སྣང་གི་དབང་ཤེས་ལྟ་བུ་ནི་མི་སླུ་བ་ཡིན་ཏེ། དེ་དང་དེ་མཐུན་པའི་ཕྱིར་རོ། །དོན་དམ་བདེན་པ་ལ་འཇུག་པའི་དུས་ཀྱི་གནས་ཚུལ་ནི། མྱུ་གུ་བདེན་པའི་གཅིག་དང་དུ་བྲལ་དུ་རྟོགས་པའི་བློའོ། །དེ་མི་སླུ་བའི་རིག་པ་ཡིན་པ་ནི། དེ་དང་དེ་མཐུན་པའི་ཕྱིར། འོ་ན་དེའི་གནས་ཚུལ་ཅི་ཞེ་ན། དེས་བཅད་པའི་ཚེ་མྱུ་གུ་དེ་དང་དེར་མ་གྲུབ་པ་དེའོ། །ཞེས་པཎ་ཆེན་ཤཱཀ་མཆོག་གི་དབུ་མ་ལུང་རིགས་རྒྱ་མཚོ་ལས་གསུངས་སོ། ། |
| Domain | ཆོས་ལུགས། |
{{#arraymap:དབུ་མ་ཐལ་འགྱུར་བའི་ཚད་མ་
|; |@@@ | | }}