27488

དབུ་མ་པའི་ཁས་ལེན་གཉིས་ (1)

Part of speech	མིང་ཚིག
Definition	མདོ་སྔགས། དབུ་མ། ཇོ་ནང་། ནང་གི་རྣལ་འབྱོར་པའི་དབུ་མ་པ། འཕགས་པའི་མཉམ་བཞག་ངོར་ལྟོས་ནས་ཁས་ལེན་སྟངས་ཤིག་དང་འཕགས་པའི་རྗེས་ཐོབ་དྲན་ཤེས་ཀྱི་ངོར་ལྟོས་ནས་དབུ་མའི་ཁས་ལེན་སྟངས་གཉིས་ཏེ། རི་ཆོས་ལས། འདིར་ཡོད་མེད་ཀྱི་མཐའ་དང་བྲལ་ཞེས་པའི་དོན་ལ་རྣམ་པ་གཉིས་ཏེ། ཆོས་ཉིད་ཟབ་མོ་ལ་ཤིན་ཏུ་མཉམ་པར་གཞག་པའི་སྐབས་སུ་ནི་ཡོད་མེད་ལ་སོགས་པའི་སྤྲོས་པ་ཐམས་ཅད་དོར་ཞིང་སྨྲ་བསམ་བརྗོད་དུ་མེད་པ་ཡིན་ལ། རྗེས་ཐོབ་ལ་སོགས་པར་གནས་ལུགས་ཇི་ལྟར་ཡིན་པ་གཏན་ལ་འབེབས་པའི་སྐབས་སུ་ནི་ཡོད་པ་ལ་ཡོད་ཅེས་པ་དང་མེད་པ་ལ་མེད་ཅེས་གནས་ལུགས་དང་མཐུན་པར་ཁ་ཚོན་གཅོད་ན་སྐྱོན་མེད་ཀྱི། དེ་ལས་བཟློག་ན་མཐར་ལྷུང་བའི་སྐྱོན་དུ་འགྱུར་རོ། །ཞེས་དང་། དེ་བཞིན་དུ་རྟག་མི་རྟག་ཤན་ཕྱེ་ནས་གཏན་ལ་འབེབས་པའི་སྐབས་སུ་དེ་བཞིན་ཉིད་ལ་སོགས་པ་སྐད་ཅིག་གཅིག་དང་དུ་མ་དང་བྲལ་བའི་ཡེ་ཤེས་ཆ་ཀུན་འགྲོ་ཀུན་ཁྱབ་ནི་རྟག་བརྟན་ཐེར་ཟུག་གཡུང་དྲུང་མི་འགྱུར་བ་ཉིད་དུ་རྣམ་པར་གཞག་ཅིང་སྐད་ཅིག་ལས་མ་འདས་པའི་ཆོས་ཐམས་ཅད་ནི་མི་རྟག་ཅིང་མི་བརྟན་ལ་ཐེར་ཟུག་མ་ཡིན་འགྱུར་བའི་ཆོས་ཅན་དུ་རྣམ་པར་གཞག་ཀྱང་། ལ་ཟློ་བ་མཉམ་བཞག་ཟབ་མོའི་སྐབས་སུ་ནི་རྟག་མི་རྟག་ལ་སོགས་པ་གང་དུ་ཡང་མ་སྤྲོས་པ་དགོས་ཏེ། དབུ་མ་རྩ་ཤེར། རྟག་དང་མི་རྟག་ལ་སོགས་བཞི། །ཞི་བ་འདི་ལ་ག་ལ་ཡོད། །མཐའ་དང་མཐའ་མེད་ལ་སོགས་བཞི། །ཞི་བ་འདི་ལ་ག་ལ་ཡོད། །ཅེས་པ་ལ་སོགས་པ་སྤྲོས་པ་ཐམས་ཅད་དང་བྲལ་བ་དགོས་ཚུལ་གསུངས་ཤིང་། ཞེས་གསུངས།
Domain	ལྟ་གྲུབ།

{{#arraymap:དབུ་མ་པའི་ཁས་ལེན་གཉིས་

|; |@@@ | | }}