27551

དབུ་མའི་གཞུང་ལས་དགག་བྱའི་མཐའ་གཉིས་སུ་བསྟན་པ་ (1)

Part of speech	མིང་ཚིག
Definition	མདོ། དབུ་མ། རིན་ཆེན་ཕྲེང་བར། མེད་པ་པ་ནི་ངན་འགྲོར་འགྲོ། །ཡོད་པ་པ་ནི་བདེ་འགྲོར་འགྲོ། །ཡང་དག་ཇི་བཞིན་ཡོངས་ཤེས་པས། །གཉིས་ལ་མི་བརྟེན་ཐར་པ་ལགས། །ཞེས་དང་། རྩ་བ་ལས། ཡོད་ཅེས་བྱ་བ་རྟག་པར་འཛིན། །མེད་ཅེས་བྱ་བ་ཆད་པར་ལྟ། །ཞེས་མེད་མཐའ་དང་ཡོད་མཐའ་གཉིས་སུ་བསྡུས་པའང་ཡོད་དེ། འདི་ནི་ཐེག་པ་གསུམ་གྱི་ཐུན་མོང་གི་དགག་བྱ་ལ་དགོངས་ནས་ཐ་སྙད་དུ་མེད་པ་སྐུུར་འདེབས་ཀྱི་མཐའ་དང་། དོན་དམ་དུ་ཡོད་པ་སྒྲོ་འདོགས་ཀྱི་མཐའ་གཉིས་སུ་བསྡུས་པའོ། །ཡང་ཆོས་དབྱིངས་བསྟོད་པར། བདག་མེད་རྣམ་པ་གཉིས་མཐོང་ན། །སྲིད་པའི་ས་བོན་འགག་པར་འགྱུར། །ཞེས་དང་། འཇུག་པར། བདག་མེད་འདི་ནི་འགྲོ་བ་རྣམ་དགྲོལ་ཕྱིར། །ཆོས་དང་གང་ཟག་དབྱེ་བས་རྣམ་གཉིས་གསུངས། །ཞེས་ཆོས་དང་གང་ཟག་གི་བདག་གཉིས་སུ་བསྡུས་པའང་ཡོད་དོ། །ཞེས་ཀུན་མཁྱེན་གོ་རམས་པས་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།