27573

དབུ་མའི་ལུགས་ཀྱི་རིགས་མ་ངེས་པ་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད་ནི། རིགས་གང་ཞིག གནས་སྐབས་ཐེག་པ་གསུམ་པོ་གང་རུང་གི་རིགས་སུ་མ་ངེས་པའོ། །དབྱེ་ན། ལམ་མ་ཞུགས་ཀྱི་གནས་སྐབས་ཀྱི་མ་ངེས་པའི་རིགས་དང། ལམ་ཞུགས་ཀྱི་གནས་སྐབས་ཀྱི་མ་ངེས་པའི་རིགས་གཉིས། དང་པོ་ནི། ལམ་མ་ཞུགས་ཀྱི་སེམས་ཅན་དམྱལ་བ་ལ་སོགས་པའི་རྒྱུད་ཀྱི་རང་བཞིན་གནས་རིགས་སོ། །གཉིས་པ་ནི། རང་རྒྱལ་དུ་འགྱུར་ངེས་ཀྱི་གཅིག་ཅར་བའི་རྒྱུན་ཞུགས་ཀྱི་རང་བཞིན་གནས་རིགས་དང། ཐེག་ཆེན་ལམ་དུ་འཇུག་ཁ་མའི་རང་རྒྱལ་གྱི་རིགས་ཅན་སློབ་པའི་རྒྱུད་ཀྱི་རང་བཞིན་གནས་རིགས་དང། ཐེག་དམན་དུ་ལྷུང་ངེས་ཀྱི་བྱང་སེམས་ཚོགས་ལམ་པའི་རྒྱུད་ཀྱི་རང་བཞིན་གནས་རིགས་རྣམས་སོ། །ཞེས་པཎ་ཆེན་ངག་ཆོས་ཀྱི་རྒྱན་འགྲེལ་དགོངས་དོན་རབ་གསལ་ལས་སོ། །
Domain	ཆོས་ལུགས།