27612

དབུ་སེམས་ཐུན་མོང་གི་ལྟུང་བའི་མུ་བཞི་ (1)

Part of speech	མིང་ཚིག
Definition	སྡོམ་གསུམ། ས་སྐྱ། ཐེག་ཆེན་ཀུན་མཐུན་པར། །ལྟུང་བའི་རྣམ་གཞག་མུ་བཞི་གསུངས། །ལྟུང་མེད་ལྟུང་དང་ལྟུང་བ་ཡི། །གཟུགས་བརྙན་ལྟུང་བ་མེད་པ་ཡི། །གཟུགས་བརྙན་ཞེས་བྱ་རྣམ་པ་བཞི། །བསམ་པ་དག་པའི་སྦྱིན་པ་སོགས། །རྣམ་པ་ཀུན་ཏུ་ལྟུང་བ་མེད། །བསམ་པ་ངན་པའི་སྲོག་གཅོད་སོགས། །རྣམ་པ་ཀུན་ཏུ་ལྟུང་བར་འགྱུར། །དགེ་བའི་སེམས་ཀྱིས་བསད་པ་སོགས། །ལྟུང་བའི་གཟུགས་བརྙན་ཡིན་ཞེས་གསུངས། །གཞན་ལ་གནོད་ན་བརྫུན་མིན་ཡང། །ལྟུང་བ་མེད་པའི་གཟུགས་བརྙན་ཡིན། །ཞེས་ས་པཎ་གྱི་སྡོམ་གསུམ་རབ་དབྱེ་ལས་སོ། ། ཐེག་ཆེན་དབུ་སེམས་ཀུན་མཐུན་པར་ལྟུང་བའི་རྣམ་གཞག་མུ་བཞི་གསུངས་ཏེ། ལྟུང་མེད་དང། ལྟུང་བ་དང། ལྟུང་བའི་གཟུགས་བརྙན་དང། ལྟུང་བ་མེད་པའི་གཟུགས་བརྙན་དང་རྣམ་པ་བཞིར་གསུངས་པའི་ཕྱིར། དཔེར་བརྗོད་ནི་བསམ་པ་དག་པའི་སྦྱིན་པ་དང་ཚུལ་ཁྲིམས་སོགས། བྱང་ཆུབ་སེམས་དཔའ་ལ་རྣམ་པ་ཀུན་ཏུ་ལྟུང་བ་མེད་དེ། བསམ་སྦྱོར་གཉིས་ཀ་དཀར་བའི་ཕྱིར། བསམ་པ་ངན་པའི་སྲོག་གཅོད་པ་དང་མ་བྱིན་པ་ལེན་པ་སོགས། བྱང་ཆུབ་སེམས་དཔའ་ལ་རྣམ་པ་ཀུན་ཏུ་ལྟུང་བར་འགྱུར་ཏེ། བསམ་སྦྱོར་གཉིས་ཀ་གནག་པའི་ཕྱིར། རང་དོན་གྱི་འཁྲི་བ་མེད་པར་གཞན་ཕན་དགེ་བའི་སེམས་ཀྱིས་འགྲོ་བ་མ་རུང་བའི་སྲོག་བཅད་པ་དང། གཞན་དོན་དུ་རྫུན་སྨྲས་པ་སོགས། ལྟུང་བའི་གཟུགས་བརྙན་ཡིན་ཏེ། ལྟུང་བར་སྣང་ཡང་བྱང་ཆུབ་སེམས་དཔའ་ལ་ལྟུང་མེད་ཡིན་པའི་ཕྱིར། གཞན་ལ་གནོད་ན་ཤེས་བཞིན་དུ་བརྫུན་མ་སྨྲས་པར་རྔོན་པ་ལ་རི་དྭགས་ཕྱོགས་འདི་ན་འདུག་གོ་ཞེས་བདེན་པར་སྨྲས་པ་ལྟ་བུ། ལྟུང་བ་མེད་པའི་གཟུགས་བརྙན་ཡིན་ཏེ། ལྟུང་མེད་དུ་སྣང་ཡང་བྱང་སེམས་ལ་ལྟུང་བར་འགྱུར་བའི་ཕྱིར་ཏེ། བྱང་སེམས་ཀྱི་དོན་དུ་གཉེར་བྱ་ནི་གཞན་དོན་ཉིད་ཡིན་པའི་ཕྱིར་རོ། །ཞེས་པཎ་ཆེན་ངག་ཆོས་ཀྱི་སྡོམ་གསུམ་རྣམ་བཤད་ཟླ་འོད་ནོར་བུ་ལས་སོ། །
Domain	ཆོས་ལུགས།