27613

དབུ་སེམས་ལྟ་བའི་གོ་རིམ་ (1)

Part of speech	མིང་ཚིག
Definition	མདོ། དབུ་མ། ཇོ་ནང་། དབུ་མ་པ། སེམས་ཙམ་པའི་ལྟ་བ་དང་དབུ་མ་པའི་ལྟ་བའི་ཁྱད་པར་དང་གོ་རིམ་སྟེ། རི་ཆོས་ལས། ལང་ཀར་གཤེགས་པའི་མདོ་ལས་གནས་སྐབས་སུ་སེམས་ཙམ་སྟོན་མོད་ཀྱི། མཐར་དེ་ལས་ཡང་དག་པར་འདས་ནས་སྣང་མེད་དབུ་མ་དང་། དེ་ལས་ཀྱང་འདས་ནས་སྣང་བཅས་དབུ་མ་སྟོན་ཅིང་། དེ་ལ་མ་སླེབ་ན་ཐེག་ཆེན་གྱི་དོན་ཟབ་མོ་མི་མཐོང་བར་གསུངས་ཏེ། ཇི་སྐད་དུ། །སེམས་ཙམ་ལས་ནི་བརྟེན་ནས་སུ། །ཕྱི་རོལ་དོན་དུ་མི་བརྟག་གོ ། (ཀུན་རྫོབ)སྣང་བ་མེད་པ་ལ་བརྟེན་ནས། །སེམས་ཙམ་ལས་ནི་འདའ་བར་བྱ། །ཡང་དག་(པའི་མཐའ)དམིགས་པ་ལ་བརྟེན་ནས། །སྣང་བ་མེད་(པ་ཙམ)ལས་འདའ་བར་བྱ། །རྣལ་འབྱོར་སྣང་བ་མེད་(པ་ཙམ་ལ)གནས་ན། །ཐེག་པ་ཆེན་པོ་མི་མཐོང་ངོ་། །ཞེས་པ་ལ་སོགས་པའོ། །ཞེས་གསུངས།
Domain	ལྟ་གྲུབ།