27881

དབྱངས་བཟླས་དྲུག་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གསང་སྔགས་ཀྱི་གཞུང་ནས་དངོས་གཞི་བཟླས་བརྗོད་ཀྱི་སྐབས་སུ་སྔགས་ཟློ་སྟངས་ཀྱི་མན་ངག་ལ། ཡིད་ཀྱིས་བཟླས་པ་དང་། ཤུབ་བུར་བཟླས་པ་དང་། དབྱངས་སུ་བཟླས་པ་གསུམ་དུ་གྲགས་པའི་ཡ་གྱལ་ལས་གསུམ་པ་དབྱངས་སུ་བཟླས་པའི་དབྱེ་བ་དྲུག་སྟེ། འོད་གསལ་སྙིང་པོ་ལས། གསུམ་པ། དབྱངས་བཟླས་ལ་དྲུག་སྟེ། དང་པོ་སྔགས་ཀྱི་ཡི་གེ་སྒྲ་སྒྲོགས་པའི་དབྱངས། གཉིས་པ་མཁུར་བ་དབུགས་ཀྱི་རླུང་འབྱིན་པའི་དབྱངས། གསུམ་པ་ཚངས་པའི་དབྱངས་ཀྱི་འདྲེན་ཚུལ་གྱི་དབྱངས། བཞི་པ་འཁུན་ཞིང་གདུང་བའི་སྒྲ་འབྱིན་པའི་དབྱངས། ལྔ་པ་འབྲུག་སྒྲ་ལྟར་ཟབ་ཅིང་སྒྲོགས་པའི་དབྱངས། དྲུག་པ་རྡོ་རྗེ་སྲིན་པོའི་ངུར་སྐད་ཀྱི་དབྱངས་བཅས་དྲུག་ཅེས་དང་། དེ་དག་ལ་དབྱངས་དྲུག་ཏུ་བརྗོད་དེ། རིམ་པ་ལྟར། ཅང་ཀ་དེའུ་དང་། པང་ཀ་དེའུ། བྲེང་ངེ་བ་དང་། དུང་ངེ་བ། ཤར་ཏ་པ་དང་། གར་ཏ་པ་ཞེས་བྱ་ལ། དབྱངས་དེ་དག་གནས་སྐབས་དང་བསྟུན་ཏེ་བརྗོད་པར་བྱའོ། །ཡང་སྲིན་པོ་ངུར་སྒྲ་ཤར་ཏ་པ། འབྲུག་སྒྲ་གར་ཏ་པ། མཁུར་དབུགས་ཅང་ཀ་དེའུ། མཁུན་གདུང་པང་ཀ་དེའུ། སྔགས་སྒྲ་སྒྲོག་པ་བྲེང་ངེ་བ། ཚངས་དབྱངས་ལ་དུང་ངེ་བ་ཞེས་ཀྱང་གསུངས། དབྱངས་དྲུག་ལ་རྣམ་པར་བཞག་པ་གཞན་ཡང་ཡོད་དོ། །ཞེས་གསུངས། རྒྱས་པར་དབྱངས་བཟླས་ཀྱི་སྐབས་སུ་གཟིགས།
Domain	ཆོས་ལུགས།