28300

དམ་ཚིག་གསུམ་བཀོད་པའི་རྒྱལ་པོའི་ཡི་གེ་བརྒྱ་པའི་སྒྲུབ་ཐབས་ (1)

Part of speech

མིང་ཚིག

Definition

སློབ་དཔོན་ཆེན་པོ་ཀེ་དྷ་ར་ཎ་དྷིས་མཛད་པའི་དམ་ཚིག་གསུམ་བཀོད་པའི་རྒྱལ་པོའི་ཡི་གེ་བརྒྱ་པའི་སྒྲུབ་ཐབས། །རྒྱ་གར་གྱི་མཁན་པོ་པཎྜི་ཏ་དཔལ་གོ་མི་འཆི་མེད་དང་། བོད་ཀྱི་ལོ་ཙཱ་བ་བློ་ལྡན་ཤེས་རབ་ཀྱིས་བསྒྱུར། ཆོས་ཚན་འདི་ནི་རིགས་ཀྱི་གཙོ་བོ་རྣམ་པར་སྣང་མཛད་དང་ཕྱོགས་མཐུན་པ་སྟེ། བུ་སྟོན་དང་། པེ་ཅིང་པར་མ་དང་། སྣར་ཐང་སྡེ་དགེ་པར་མ་རྣམས་ཀྱི་དཀར་ཆག་ཏུ་“བྱ་བའི་རྒྱུད་ཀྱི་ལྷ་སུམ་ཚན་ལྔར་གྲགས་པ་ལས། དང་པོ་རིགས་ཀྱི་གཙོ་བོ་གསུམ་ལ། སྐུའི་རིགས་ཀྱི་གཙོ་བོ་རྣམ་པར་སྣང་མཛད་ཡིན་པས། དེ་དང་ཕྱོགས་མཐུན་པ་དམ་ཚིག་གསུམ་བཀོད་པའི་རྒྱལ་པོའི་ཡི་གེ་བརྒྱ་པའི་སྒྲུབ་ཐབས་ཞེས་དང་། འདི་སྤྱོད་པའི་རྒྱུད་དང་བསྐྱེད་ཆོག་རྣམས་མཐུན་པར་བཀོད་འདུག་ནའང་། རྒྱུད་འགྲེལ་དག་ལས་དམ་ཚིག་གསུམ་བཀོད་བྱ་རྒྱུད་དུ་གསུངས་འདུག་པས་འདིར་བྲིས་སོ། །ཞེས་འཁོད། འདི་འོག་ཏུ་པེ་ཅིང་པར་མ་དང་། སྣར་ཐང་གཉིས་ལ་རྒྱུད་གསར་བཅུག་གི་སྐབས་སུ་ཆོས་ཚན་ ༢༩༣༢ པ་དང་བསྐྱར་ཟློས་སུ་འཁོད་འདུག བསྟན་འགྱུར་རྒྱུད་ནུ་པར་བཞུགས།

{{#arraymap:དམ་ཚིག་གསུམ་བཀོད་པའི་རྒྱལ་པོའི་ཡི་གེ་བརྒྱ་པའི་སྒྲུབ་ཐབས་

|; |@@@ | | }}