28354

དམ་ཚིག་སུམ་བརྒྱ་དྲུག་ཅུ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། དམ་ཚིག་སུམ་བརྒྱ་དྲུག་ཅུ་ནི། གསང་སྔགས་ཀྱི་རྩ་བའི་དམ་ཚིག་བརྒྱ་དང་དྲུག་ཅུ་དང་། ཡན་ལག་གི་དམ་ཚིག་ཉིས་བརྒྱ་ཐམ་པ་སྟེ། ཕྱོགས་བཅུའི་མུན་སེལ་ལས། གཉིས་པ་ཡན་ལག་གི་དབྱེ་བ་ནི་སུམ་བརྒྱ་དྲུག་ཅུ་སྟེ། དེའང་དམ་ཚིག་ནི་ལྷའི་རང་བཞིན་ཡིན་ལ། ལྷ་ཐམས་ཅད་ཀྱི་རྩ་བ་ནི་ཐབས་དང་ཤེས་རབ་ཡིན་པས་རྩ་བའི་བླ་མེད་མི་སྤང་བ་ལ་སོགས་པ་ལྔ་པོ་གང་རུང་གཅིག་ལའང་རྩ་བ་ཐབས་དང་ཤེས་རབ། དེ་གཉིས་ལ་སྐུ་གསུང་ཐུགས་སུ་ཕྱེ་བས་དྲུག དེ་དག་ལའང་སྐུ་གསུང་ཐུགས་ཡོན་ཏན་འཕྲིན་ལས་ལྔ་ལྔ་སྟེ་སུམ་ཅུ། རྩ་བའི་ཐབས་ཤེས་གཉིས་བསྣན་པས་སུམ་ཅུ་རྩ་གཉིས་སོ། །དེ་ལྟར་ལྔ་ག་ལས་ཕྱེ་བས་བརྒྱ་དྲུག་ཅུའོ། ། ཡན་ལག་གི་དམ་ཚིག་ཉིས་བརྒྱ་ནི། ཡན་ལག་གི་བཅུའི་འདོད་ཆགས་མི་སྤང་བ་ལྟ་བུ་གཅིག་ལའང་ཐབས་དང་ཤེས་རབ་གཉིས་ལས། ཐབས་ལ་ཡེ་ཤེས་ལྔ་དང་ཡུལ་ལྔ་སྟེ་བཅུ། ཤེས་རབ་ལའང་ཡེ་ཤེས་ལྔ་དང་ཡུལ་ལྔ་སྟེ་བཅུ་ཕྲག་གཉིས་ལ་ཉི་ཤུའོ། །དེ་ལྟར་ཉི་ཤུ་ཚན་པ་བཅུ་ལ་ཉིས་བརྒྱའོ། །ཞེས་དང་། (རོང་ཟོམ་མ་ཧཱ་པཎྜི་ཏ་)རོང་པ་ནི། ཡན་ལག་གི་དམ་ཚིག་ནི་ཡན་ལག་ནས་དབྱེ་བར་བྱ་སྟེ། གཅིག་ལའང་སྐུ་གསུང་ཐུགས་ཡོན་ཏན་འཕྲིན་ལས་ཀྱི་ཡན་ལག་རྣམ་པ་ལྔ་དང་། སྐུ་གསུང་ཐུགས་ཀྱི་དངོས་གཞི་གསུམ་ཡང་དེ་ཉིད་དུ་ཞིག་སྟེ་ཡན་ལག་གི་གཞི་མེད། རྩ་བ་ཐབས་དང་ཤེས་རབ་གཉིས་ཀྱང་ཐབས་ཤེས་རབ་དང་ལྡན། ཤེས་རབ་ཐབས་དང་ལྡན་པས་རྩ་བ་གཉིས་པོ་ཞིག་སྟེ་ཡན་ལག་བཞིར་འགྱུར་བས། དེ་ཡང་སྐུ་གསུང་ཐུགས་ཡོན་ཏན་འཕྲིན་ལས་ལྔའི་ཆ་ཤས་སུ་འགྱུར་བས་ན། རྩ་བའི་འཕྲོ་གཞི་མེད་དེ་ཡན་ལག་དང་ཆ་ཤས་ཉི་ཤུ་ཉི་ཤུར་འགྱུར་རོ། །ཞེས་དཀོན་ཅོག་འགྲེལ་དུ་བཞེད་དོ། །དམ་ཚིག་འདི་དག་ནི་ཡོན་ཏན་གྱི་ཆ་ཤས་དབྱེ་བ་ཡིན་གྱི། མཚན་ཉིད་ཐ་དད་པའི་རྣམ་གྲངས་ནི་སོ་སོར་བཤད་པ་མེད། ཅེས་གསུངས་སོ། །ཞེས་གསུངས།
Domain	ལྟ་གྲུབ།

{{#arraymap:དམ་ཚིག་སུམ་བརྒྱ་དྲུག་ཅུ་

|; |@@@ | | }}