From Rangjung Yeshe Wiki - Dharma Dictionary
Jump to navigation
Jump to search
དམ་རྒྱ་ (1)
| Part of speech
|
མིང་ཚིག
|
| Definition
|
ཐེལ་ཙེ། གཞུང་སྒེར་ལས་ཁུངས་ཀྱི་ལས་རྟགས་དང་མིང་། ཤིང་དང་འགྱིག་རིགས་སོགས་ལ་བརྐོས་ཡོད་པའི་ལག་ཆ་ཞིག།
|
| Example
|
དམ་རྒྱ་ཅན་གྱི་མགྲོན་ཤོག ལས་ཀ་ཁྲིམས་མཐུན་ཡིན་པའི་ཡིག་ཆར་དམ་རྒྱ་ཡོད།
|
| Type
|
ཞེ་ས།
|
དམ་རྒྱ་ (2)
| Part of speech
|
མིང་ཚིག
|
| Definition
|
ཁྲིམས་རྒྱ། ལས་གང་ཞིག་བྱེད་ཆོག་མིན་གྱི་ཁྲིམས་ཀྱི་རྒྱའམ་སྒྲིག་ལམ།
|
དམ་རྒྱ་ (3)
| Part of speech
|
མིང་ཚིག
|
| Definition
|
ཁྲིམས་ཀྱི་དམ་རྒྱ་ལས་བརྒལ་མི་རིགས། ཁྲིམས་ཀྱི་དམ་རྒྱ་བསྡམས་པ།
|
དམ་རྒྱ་ (4)
| Part of speech
|
མིང་ཚིག
|
| Definition
|
དཔང་རྒྱ། ཕན་ཚུན་ཁ་འཆམ་གྲོས་མཐུན་གྱིས་བཞག་པའི་ཆོད་དན་གན་ཡིག
|
དམ་རྒྱ་ (5)
| Part of speech
|
མིང་ཚིག
|
| Definition
|
དམ་རྒྱ་ནི་ལུས་ཀྱི་བཅའ་བ་ལག་གཉིས་མཉམ་གཞག་གི་ཕྱག་རྒྱ་བཅིང་། ངག་ཏུ་ཨོཾ་སརྦ་བི་ཏ་སོགས་ལན་གསུམ་བརྗོད། སེམས་ཀྱིས་རང་གཙོ་བོའི་ཐུགས་ཀར་ཧུྃ་ལས་སེམས་དཔའི་རྡོ་རྗེ་རྩེ་ལྔ་པ་ཞིག་བསྐྱེད་ལ་ལྷ་སྐུ་སྣང་སྟོང་དབྱེར་མེད་མིག་ཡོར་དང་མཚུངས་པ་དང་ནམ་མཁའ་དང་མཉམ་པར་བསྒོམས། དེ་བཞིན་དུ་ལྷ་ཐམས་ཅད་ཀྱི་དམ་རྒྱ་རིམ་བཞིན་བཅའ་ཞིང་། སྔགས་ལན་གསུམ་བརྗོད་ལ་དེའི་ཚེ་ལྷ་དེ་དང་དེའི་ཐུགས་ཀར་ཧུྃ་ལས་སེམས་དཔའི་རྡོ་རྗེ་རྩེ་ལྔ་པ་རེ་ལམ་ལམ་བྱུང་བར་བསམ་ལ་ཆོས་ཐམས་ཅད་བདག་མེད་པར་བསྒོམས་པས་ཐ་མལ་གྱི་ཕུང་ཁམས་སྐྱེ་མཆེད་བདག་ཏུ་བཟུང་བས་བསྡུས་པ་བཤིག་སྟེ་རྒྱས་གདབ་པའི་ལྷ་དམིགས་ཡུལ་དུ་འཛིན་པ་དེ་མིག་ཡོར་དང་མཚུངས་ཤིང་ནམ་མཁའ་དང་མཉམ་པར་བསྒོམ་པར་བྱ་སྟེ། རྟོག་པ་དང་པོའི་ཕྱག་རྒྱ་བཞི་པ་ལས། རང་གི་དབང་པོ་བཤིག་ནས་ནི། །རྡོ་རྗེ་བཅིང་བས་གཟུང་བར་བྱ། །དེ་ཡིས་ཕྱག་རྒྱ་གང་རེག་པ། །དེ་མ་ཐག་ཏུ་དབང་དུ་འགྱུར། །ཞེས་གསུངས་པའི་ཕྱིར་རོ། །ཞེས་སྡེ་གཞུང་ཆོས་འཕེལ་གྱི་ཀུན་རིག་རྣམ་བཤད་ལས་སོ། །
|
| Domain
|
ཆོས་ལུགས།
|