28673

དམིགས་པ་ལ་རྣམ་པར་རྟོག་པའི་ལས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་སྣང་བའི་མདོ་ཡིད་ཀྱི་རྣམ་ཤེས་འཆད་སྐབས་ཡིད་ཤེས་ཐུན་མིན་གྱི་བྱེད་ལས་བཅོ་ལྔ་བསྟན་པའི་ནང་གསེས་ཤིག་སྟེ། འདི་ཉིད་གཟི་ལྡན་འཆར་ཁའི་འོད་སྣང་དུ་རྣམ་གྲངས་བདུན་གྱི་སྒོ་ནས་གསལ་བར་བྱེད་པ་འདི་ལྟར། སྔར་བྱུང་བའི་མཐོང་ཐོས་ཀྱི་ཐ་སྙད་ལ་མཁས་པ་མི་རྒན་ལྟར་དུ་སྔོན་མཐོང་བ་དང་ཐོས་པ་ལ་སོགས་པའི་རང་བཞིན་ལ་རྟོག་པའི་མཚན་མ་ཅན་དུ་གསལ་བར་ཉམས་སུ་མྱོང་བའི་དོན་དང་ཐ་སྙད་ལ་མཁས་པའི་རྣམ་པར་རྟོག་པ་དང་གཅིག འབྱུང་བར་འགྱུར་བའི་མཐོང་ཐོས་ལ་དགའ་བ་བུ་ཆུང་ལྟར་དུ་ཐ་སྙད་ལ་མི་མཁས་ཀྱང་གང་མ་འོངས་པའི་ཡུལ་ལ་རྟོག་པ་སྒྲ་དོན་གྱི་སྤྱི་ཙམ་ལ་དཔྱད་པ་ལྟ་བུ་དང༌། ཕྱིས་འབྱུང་བའི་ཐོས་པའི་དོན་དག་བློ་ལ་ཡོད་པ་རྣམས་ཀྱི་མིང་དང་དོན་ཡན་ཆད་སྦྱོར་ཞིང་དཔེ་དོན་བསྡོམས་ཏེ་བརྗོད་པ་ཞེའམ། འདུས་མ་བྱས་བཞི་ལ་རྟོག་པ་ལྟ་བུ་མཚན་མ་མིན་པ་ལ་རྣམ་པར་རྟོག་པ་དང་གཉིས། ཡིད་ཀྱི་ཡུལ་ཉེ་བར་གནས་པ་ལ་རང་གི་ངང་གིས་ཡུལ་གྱི་སྟོབས་ཀྱིས་འཇུག་པར་བྱེད་པའི་རྣམ་པར་རྟོག་པ་ཡིད་ཀྱི་ལས་སུ་གྱུར་པ་དང་གསུམ། ཡུལ་དཀར་ནག་ལ་སོགས་པ་གང་ཡང་ཀུན་ཏུ་ཚོལ་བའི་ཡིད་ཀྱིས་ཡོངས་སུ་ཚོལ་ཞིང་དཔྱོད་པའི་རྣམ་པར་རྟོག་པ་དང་གཏན་ལ་འབེབས་པར་བྱེད་པའི་ཡིད་ཀྱི་ལས་དང་བཞི། ཡུལ་དུ་བཞག་པ་གང་དེ་ལ་སོ་སོར་རྟོག་ཅིང་ཡུལ་ལ་གཅོད་དེ་སྤྱོད་བདོ་བའི་རྣམ་པར་རྟོག་པ་དང༌། འདི་ཉིད་ཡིན་ནོ་ཞེས་ངེས་པར་འཇོག་པས་བྱེ་བྲག་ཕྱེད་པར་ཤེས་པའི་ཡིད་ཀྱི་ལས་གཉིས་གཅིག་ཏུ་བྱས་པ་དང་ལྔ། ཉོན་མོངས་པ་ཅན་གྱི་རྣམ་པར་རྟོག་པ་སྔོན་ཉམས་སུ་མྱོང་བའི་དོན་སྔར་འདས་པ་དང་མ་འོངས་པ་ལ་མངོན་པར་དགའ་བ་དང་ལྡན་ཞིང༌། ད་ལྟར་བྱུང་བ་ལ་ཆགས་ཤིང་འདོད་པའི་རྟོག་པ་དང་གནོད་པའི་སེམས་རྟོག་གམ། ཉོན་མོངས་ཤིང་སྡུག་བསྔལ་བའམ་དེ་ལ་རྟོག་པའི་ཡིད་ཀྱི་ལས་དང་དྲུག དགེ་སྡིག་དེ་གཉིས་གང་ཡང་མིན་པར་ལུང་མ་བསྟན་གྱི་སྤྱོད་ཡུལ་ལམ་བཟོ་གནས་བྱེད་པ་ལྟ་བུ་ལུང་དུ་མ་བསྟན་པའི་ལས་ལ་རྣམ་པར་རྟོག་པ་སྟེ་དེ་ལྟར་བདུན་དུ་ཡོད་པའོ། །ཞེས་གསུངས།
Domain	ཆོས་ལུགས།

{{#arraymap:དམིགས་པ་ལ་རྣམ་པར་རྟོག་པའི་ལས་

|; |@@@ | | }}