28803

དམྱལ་བ་པ་ལ་ལྡན་པའི་མི་དགེ་བའི་ལས་ལམ་ (1)

Part of speech	མིང་ཚིག
Definition	མདོ། མངོན་པ། མི་དགེ་བ་བཅུ་པོ་དེ་དག་ལས་དམྱལ་བ་ན་ནི་ཚིག་ཀྱལ་པ་དང་ཚིག་རྩུབ་དང་གནོད་སེམས་གསུམ་ནི་ལྡན་པ་དང་མངོན་གྱུར་རྣམ་པ་གཉིས་ཀའི་སྒོ་ནས་ཡོད་དེ། དམྱལ་བ་པ་དག་སྨྲེ་སྔགས་འདོན་པའི་ཕྱིར་དང་། མི་སྙན་པར་བརྗོད་པའི་ཕྱིར་དང་། རྩུབ་པའི་སེམས་ཡོད་པའི་ཕྱིར་རོ། །བརྣབ་སེམས་དང་ལོག་ལྟ་ནི་ལྡན་པའི་སྒོ་ནས་ཡོད་ཀྱི་མངོན་དུ་གྱུར་པའི་སྒོ་ནས་ནི་མ་ཡིན་ཏེ། ཡིད་དུ་འོང་བའི་དངོས་པོ་མེད་པའི་ཕྱིར་དང་ལས་དང་འབྲས་བུ་མངོན་དུ་གྱུར་པའི་ཕྱིར་དང་། ཐོབ་པ་ལ་ནི་གཉེན་པོ་མེད་པའི་ཕྱིར་རོ། །འདི་ནི་ཕལ་ཆེ་བའི་དབང་དུ་བྱས་པ་སྟེ། མཚམས་མེད་བྱེད་པའི་འདི་ལ་མིན་ཞེས་བསམ་སྦྱོར་ཉམས་པས་དགེ་རྩ་ཆད་པ་ནི་དམྱལ་བ་ནས་འཆི་བ་ན་མཚམས་སྦྱོར་བར་བཤད་པའི་ཕྱིར་རོ། །སྲོག་གཅོད་པ་ནི་མེད་དེ། དེ་ལས་མ་ཟད་ན་བསད་ཀྱང་མི་འཆི་བའི་ཕྱིར་དང་། འཆི་བ་ནི་ལས་ཟད་ནས་འཆི་བའི་ཕྱིར་རོ། །མ་བྱིན་པར་ལེན་པའང་མེད་དེ། རྫས་ཡོངས་སུ་བཟུང་བ་མེད་པའི་ཕྱིར་རོ། །འདོད་ལོག་ཀྱང་མེད་དེ། བུད་མེད་ཡོངས་སུ་བཟུང་བ་མེད་པའི་ཕྱིར་དང་། བདེ་བའི་སྐབས་ཀྱང་མི་རྙེད་པའི་ཕྱིར་རོ། །དགོས་པ་མེད་པའི་ཕྱིར་དང་། ཕན་ཚུན་སྙིང་དུ་སྡུག་པ་ལ་སོགས་པ་མེད་པས་རྟག་ཏུ་བྱེ་ཟིན་པའི་ཕྱིར་རྫུན་དང་ཕྲ་མའང་མེད་དོ། །སྲོག་གཅོད་པ་ལ་སོགས་པ་དེ་དག་སྔར་ཐོབ་པ་དག་བཏང་བའི་ཕྱིར་དང་། མ་འོངས་པའི་ཐོབ་པ་དེ་དག་ལ་མེད་པའི་ཕྱིར་ལྡན་པའང་མེད་དོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:དམྱལ་བ་པ་ལ་ལྡན་པའི་མི་དགེ་བའི་ལས་ལམ་

|; |@@@ | | }}