29079

དི་པཾ་ཀ་ར་ (1)

Part of speech	མིང་ཚིག
Definition	དཱི་པཾ་ཀ་ར་ཤྲཱི་ཛྙཱ་ན་སྟེ། ཨ་ཏི་ཤའི་རབ་བྱུང་གི་མཚན་དངོས། དཱི་པཾ་ནི་མར་མེ། ཀ་ར་ནི་མཛད། ཤྲཱི་ནི་དཔལ། ཛྙཱ་ན་ནི་ཡེ་ཤེས་ཏེ། དཔལ་མར་མེ་མཛད་ཡེ་ཤེས་ཞེས་པའོ། །ཇོ་བོ་རྗེ་ཨ་ཏི་ཤ་ནི། རྒྱ་གར་ཤར་ཕྱོགས་བྷཾ་གྷ་ལའི་ཡུལ་དུ་ཡབ་ཟ་ཧོར་རྒྱལ་པོ་དགེ་བ་དཔལ་དང་ཡུམ་དཔལ་མོ་འོད་ཟེར་ཅན་གཉིས་ཀྱི་སྲས་སུ་ཆུ་རྟ་ཕྱི་ལོ་ ༩༨༢ ལོར་སྐུ་འཁྲུངས། དགུང་ལོ་བཅུའི་རིང་ཕྱི་རོལ་མུ་སྟེགས་པ་དང་ནང་པའི་ཆོས་ལུགས་ཀྱི་སྒྲ་ཚད་སོགས་ལ་སློབ་གཉེར་མཛད། དགུང་ལོ་ཉེར་དགུ་པར་རྒྱ་གར་རྡོ་རྗེ་གདན་གྱི་མ་ཧྭ་བོ་དྷིའི་གཙུག་ལག་ཁང་དུ་རབ་བྱུང་མཛད་ནས་ཕྱི་ནང་ཐུན་མོང་གི་རིག་གནས་དང་ནང་པའི་མདོ་སྔགས་ཀྱི་གཞུང་ལུགས་སྦྱངས་པ་མཐར་ཕྱིན་པར་མཛད། པཎྜི་ཏ་ཆེན་པོའི་མཚན་སྙན་ཐོབ། གསེར་གླིང་པ་ལ་སོགས་པའི་བླ་མ་སུམ་ཅུ་སོ་བཞི་ཙམ་བསྟེན་ནས་རྒྱ་གར་དུ་མཁས་པ་གྲགས་ཆེ་བར་གྱུར། དེ་ནས་མངའ་རིས་གུ་གེ་རྒྱལ་པོ་ལྷ་བླ་མ་ཡེ་ཤེས་འོད་ཀྱིས་བོད་དུ་གདན་འདྲེན་ཞུས་ཀྱང་གདན་འདྲེན་མ་ནུས། རབ་བྱུང་དང་པོའི་ཆུ་རྟ་ཕྱི་ལོ་ ༡༠༤༢ ལོར་ལྷ་བླ་མ་བྱང་ཆུབ་འོད་ཀྱིས་གདན་འདྲེན་ཞུས་པས་བོད་མངའ་རིས་སུ་ཕེབས། དེ་རྗེས་འབྲོམ་སྟོན་གྱིས་དབུས་གཙང་དུ་གདན་དྲངས། དེར་ལོ་ངོ་བཅུ་བདུན་རིང་འཆད་ཉན་གྱི་འཕྲིན་ལས་སྤེལ། དགེ་བཤེས་ཁུ་སྟོན་བརྩོན་འགྲུས་གཡུང་དྲུང་། རྔོག་ལོ་ཙྭ་བ་ལེགས་པའི་ཤེས་རབ། འབྲོམ་སྟོན་པ་རྒྱལ་བའི་འབྱུང་གནས། འགོས་ལོ་ཙྭ་བ་ཁུགས་པ་ལྷ་བཙས་སོགས་སློབ་མ་མཁས་པ་མང་དུ་བྱུང་། དགུང་ལོ་བདུན་ཅུ་དོན་གསུམ་ཤིང་རྟ་ཕྱི་ལོ་ ༡༠༥༤ ལོར་སྙེ་ཐང་དུ་སྐུ་གཤེགས།
Foreign	རྒྱ་གར།

{{#arraymap:དི་པཾ་ཀ་ར་

|; |@@@ | | }}