29643

དུས་གསུམ་གྱི་ལས་ཀྱི་འབྲས་བུའི་གྲངས་ (1)

Part of speech	མིང་ཚིག
Definition	མདོ། མངོན་པ། ལས་གང་ཞིག་འབྲས་བུ་ལྔ་ལས་འབྲས་བུ་དུ་ཞིག་གིས་འབྲས་བུ་དང་བཅས་པ་ཡིན་ཞེ་ན། འདས་པའི་ཆོས་ཟག་བཅས་ཀྱིས་འདས་པ་དང་མ་འོངས་པ་དང་ད་ལྟར་བྱུང་བ་ཐམས་ཅད་བསྐྱེད་པ་ལ་ནི་འབྲས་བུ་བཞི་བཞི་ཡིན་ནོ། །གང་ཞེ་ན། བྲལ་འབྲས་མ་གཏོགས་པ་སྟེ། དེ་ནི་ཁམས་སུ་མ་གཏོགས་ཤིང་དུས་ཀྱིས་མ་བསྡུས་པའི་ཕྱིར་མི་སྲིད་དོ། །དེ་བཞིན་དུ་བར་མ་ད་ལྟར་བྱུང་བ་ཡི་ནི་འབྲས་བུ་མ་འོངས་པ་ཡིན་པ་ལའང་བཞི་ཡིན་ཏེ་སྔ་མ་དང་འདྲའོ། །བར་མ་ད་ལྟར་བྱུང་བས་ད་ལྟར་བྱུང་བ་བསྐྱེད་ན་རྣམ་སྨིན་དང་རྒྱུ་མཐུན་དང་བྲལ་འབྲས་གསུམ་མི་སྲིད་པས་སྐྱེས་བུ་བྱེད་པ་དང་བདག་འབྲས་གཉིས་སོ། །ལས་མ་སྐྱེས་པ་ནི་མ་འོངས་པ་སྟེ་དེའི་འབྲས་བུ་མ་འོངས་པ་ཡིན་ན་རྒྱུ་མཐུན་དང་བྲལ་འབྲས་མ་གཏོགས་པ་གསུམ་ཡིན་ནོ། །ད་ལྟར་བས་འདས་པ་བསྐྱེད་པ་དང་། མ་འོངས་པས་འདས་པ་དང་ད་ལྟར་བ་བསྐྱེད་པ་ནི་མི་སྲིད་པའི་ཕྱིར་དཔྱད་པ་མ་མཛད་དོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།