29768

དུས་ཚིགས་བཞིར་དབྱེ་བ་ (1)

Part of speech	མིང་ཚིག
Definition	མདོ། འདུལ་བ། དུས་ཚིགས་བཞིར་དབྱེ་བ་ནི། དགུན། དཔྱིད། དབྱར། སྟོན་གྱི་དུས་དང་བཞིར་ཕྱེ་ནས་དེ་རེ་རེ་ལ་ཡང་ར་བ། འབྲིང་པོ། ཐ་ཆུང་གསུམ་གསུམ་དུ་བྱས་པ་སྟེ། མདོ་རྩར། དབྱར་གནས། དགག་དབྱེ། སྲ་བརྐྱང་གི་སྐབས་རྣམས་སུ་འདིའི་ཐ་སྙད་གསུངས་ཤིང་དགེ་སློང་གི་ལོ་དྲི་བར་དགུན་གྱི་ཚད་ཇི་ཙམ་ཞེ་ན། ཟླ་བ་བཞིའོ། །བཞི་པོ་གང་ཞེ་ན། དགུན་ཟླ་ར་བ་དང་། འབྲིང་པོ་དང་། ཐ་ཆུང་དང་། དཔྱིད་ར་བ་དག་གོ་ཞེས་དང་། རྒྱ་ཆེར་འགྲེལ་ལས་ཀྱང་། སྟོན་ཟླ་ཐ་ཆུང་ཉ་ནས་དགུན་ཟླ་འབྲིང་པོ་ཉའི་བར་གྱི་ཟླ་བ་གཉིས་ནི་ཞེས་སོགས་དང་། དེ་བཞིན་དུ་བཞི་འགྲེལ་ལས་ཀྱང་འདིའི་ཐ་སྙད་གསུངས་པའི་ཕྱིར་རོ། །དུས་ཚིགས་བཞིར་ཕྱེ་བའི་དགོས་པ་ནི། འཇིག་རྟེན་པ་དང་ཐ་སྙད་སྒོ་བསྟུན་ནས་རྟོགས་སླ་བའི་ཆེད་ཡིན་ཏེ། འཇིག་རྟེན་ན་རབ་འབྲིང་པོ་སོགས་ཀྱི་ཐ་སྙད་བྱེད་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། །
Domain	ཆོས་ལུགས།