30142

དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཀྱི་རྣམ་པར་སྤྱོད་པ་བཅུ་ (1)

Part of speech	མིང་ཚིག
Definition	ཕལ་ཆེན་ལས་བྱུང་བ་སངས་རྒྱས་བཅོམ་ལྡན་འདས་རྣམས་ཀྱི་དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཀྱི་རྣམ་པར་སྤྱོད་པ་སྟེ། ༡ འདི་ལྟར་ཆོས་ཀྱི་དབྱིངས་ཐམས་ཅད་དང༌། དུས་གསུམ་གྱི་སེམས་ཅན་ཐམས་ཅད་ཀྱི་སེམས་སྣ་ཚོགས་དང༌། སེམས་དུ་མ་དང༌། སྤྱོད་པ་དང༌། གཡོ་བའི་རྒྱུད་ཐམས་ཅད་མ་ལུས་པར་ཐུགས་གཅིག་གིས་ཐུགས་སུ་ཆུད་པ། ༢ དུས་གསུམ་གྱི་སེམས་ཅན་ཐམས་ཅད་ཀྱི་ལས་དང༌། ལས་ཀུན་ནས་བླངས་པ་སྣ་ཚོགས་ཆོ་མ་ཆོ་དགུ་རྣམ་པ་ཐ་དད་པས་མངོན་པར་འགྲོ་ཞིང་ཉེ་བར་གསོག་པ་མང་ཉུང་དང༌། རྣམ་པར་སྨིན་པ་ཐ་དད་པ་མ་ལུས་པར་ཐུགས་གཅིག་གིས་ཐུགས་སུ་ཆུད་པ། ༣ ཆོས་ཀྱི་དབྱིངས་ཐམས་ཅད་ཀྱི་སེམས་ཅན་གྱི་རིགས་སྣ་ཚོགས་དང༌། སེམས་ཅན་གྱི་རིགས་དུ་མའི་སེམས་ཅན་མ་ལུས་པ་ཐམས་ཅད་འདུལ་བའི་དུས་ཇི་བཞིན་དུ་ཡོངས་སུ་བསྟན་པའི་ཆོ་འཕྲུལ་དང༌། རྗེས་སུ་བསྟན་པའི་ཆོ་འཕྲུལ་དང༌། རྫུ་འཕྲུལ་གྱི་ཆོ་འཕྲུལ་གྱིས་བྱིན་གྱིས་བརླབས་ཡང་དག་པར་བསྟན་པ་མ་ལུས་པར་ཐུགས་སུ་ཆུད་པ། ༤ ཆོས་ཀྱི་དབྱིངས་ཐམས་ཅད་དང་། ཕྱོགས་དྲ་བའི་རྒྱུད་ཐམས་ཅད་དང༌། འཇིག་རྟེན་གྱི་ཁམས་ཀྱི་རྒྱུད་ཐམས་ཅད་ཀྱི་སེམས་ཅན་ཐམས་ཅད་ཀྱི་སེམས་ཀྱི་མཚན་མ་བཟུང་སྟེ། སངས་རྒྱས་བསྟན་པ་དང༌། སྐྱེ་བ་དང༌། རྣམ་པར་དབྱེ་བ་མ་ལུས་པར་ཐུགས་སུ་ཆུད་པ། ༥ འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་རྣམས་ཀྱི་བསམ་པ་ཇི་ལྟ་བ་དང༌། མོས་པ་ཇི་ལྟ་བ་དང༌། འདུལ་བ་ཇི་ལྟ་བ་བཞིན་དུ་རྣམ་པ་ཐ་དད་པ་ཚད་མེད་པར་སྐད་ཅིག་ཏུ། སངས་རྒྱས་བསྟན་པ་དང༌། རྣམ་པར་དམིགས་པར་བྱ་བ་དང༌། བྱིན་གྱིས་བརླབས་པ་མ་ལུས་པར་ཐུགས་སུ་ཆུད་པ། ༦ འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཕ་རོལ་གྱི་བསམ་པ་ལ། སངས་རྒྱས་ཀྱི་བྱིན་གྱི་རླབས་ཡང་དག་པར་བསྟན་པ་མ་ལུས་པར་ཐུགས་སུ་ཆུད་པ། ༧ ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་འདུལ་བ་ཇི་ལྟ་བ་བཞིན་དུ་ཉེ་བར་ལེན་པ་མེད་པའི་སངས་རྒྱས་ཉིད་དུ་འགྱུར་བར་གདམས་ངག་དང༌། རྗེས་སུ་བསྟན་པས་དེ་བཞིན་གཤེགས་པ་འབྱུང་བ་བསྟན་པ་མ་ལུས་པར་ཐུགས་སུ་ཆུད་པ། ༨ ཆོས་ཀྱི་དབྱིངས་ཐམས་ཅད་ཀྱི་སེམས་ཅན་ཐམས་ཅད་ཀྱི་ཐམས་ཅད་དུ་འགྲོ་བ་དང༌། དེ་དང་དེར་འགྲོ་བའི་ལམ་མ་ལུས་པར་ཐུགས་ཀྱི་སྐད་ཅིག་གཅིག་གིས་ཐུགས་སུ་ཆུད་པ། ༩ ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་ཀྱིས། སངས་རྒྱས་རྗེས་སུ་དྲན་པའི་ཕྱོགས་ཐམས་ཅད་དུ་བཏང་བའི་ཚུལ་མ་ལུས་པར་ཐུགས་ཀྱི་སྐད་ཅིག་གཅིག་གིས་ཐུགས་སུ་ཆུད་པ། ༡༠ ཆོས་ཀྱི་དབྱིངས་ཐམས་ཅད་ཀྱི་སེམས་ཅན་རྣམས་ཀྱི་མོས་པ་དང༌། སེམས་ཀྱི་ཚད་ཇི་ལྟ་བ་བཞིན་དུ་སངས་རྒྱས་ཀྱི་སྐུ་ཁ་དོག་མུ་མེད་པ། དབྱིབས་མཐའ་ཡས་པ་བསྟན་པ་མ་ལུས་པར་ཐུགས་ཀྱི་སྐད་ཅིག་གཅིག་གིས་ཐུགས་སུ་ཆུད་པའོ། །
Domain	ཆོས་ལུགས།

{{#arraymap:དེ་བཞིན་གཤེགས་པ་ཐམས་ཅད་མཁྱེན་པ་ཉིད་ཀྱི་རྣམ་པར་སྤྱོད་པ་བཅུ་

|; |@@@ | | }}