30204

དེ་བཞིན་གཤེགས་པ་ལ་མར་མེ་ཕུལ་བས་ཡོངས་སུ་དག་པ་འཐོབ་པ་བཞི་ (1)

Part of speech	མིང་ཚིག
Definition	འཕགས་པ་དེ་བཞིན་གཤེགས་པ་ལ་མར་མེ་འབུལ་བའི་མདོ་ལས་བྱུང་བ་སྟེ། ༡ རིགས་ཀྱི་བུའམ། རིགས་ཀྱི་བུ་མོ་དེ་སྐྱེ་བའི་གནས་དེ་དང༌། དེ་དག་ཏུ་སྐྱེས་པ་ན་སྲོག་གཅོད་པ་སྤོང་བར་འགྱུར་ཏེ། དེ་སྲོག་གཅོད་པར་མི་བྱེད་དོ། །མ་བྱིན་པར་མི་ལེན་ཏོ། །འདོད་པས་ལོག་པར་གཡེམ་པ་སྤོང་བར་འགྱུར་ཏེ། རང་གི་ཆུང་མ་ལའང་ལོག་པར་མི་སྟེན་ཏོ། །འབྲུའི་ཆང་དང༌། བཙོས་པའི་ཆང་བཏུང་བ་སྤོང་བར་བྱེད་དོ། །སེམས་ཅན་གང་ལའང་དབྱུག་པའམ། མཚོན་ནམ། བོང་བའམ། ཁུ་ཚུར་རམ། མཚོན་ཆར་གྱུར་པ་གང་ཡང་རུང་བས་རྣམ་པར་འཚེ་བར་མི་བྱེད་ཅིང་དེ་སྡིག་པ་མི་དགེ་བའི་ཆོས་རྣམས་ལས་ཟློག་པར་འགྱུར་ཏེ། དེ་དག་ནི་ལུས་ཀྱི་ཡོངས་སུ་དག་པ་ཞེས་བྱའོ། །༢ དེ་ལ་ངག་གི་ཡོངས་སུ་དག་པ་གང་ཞེ་ན། དེ་བརྫུན་དུ་སྨྲ་བ་སྤངས་པ་ཡིན་ཏེ། དེ་མ་མཐོང་བའམ། མ་ཐོས་པ་བརྗོད་པར་མི་བྱེད་ལ། མཐོང་བ་དང་། ཐོས་པ་དྲིས་པའང་དུས་མ་ཡིན་པར་སྨྲ་བར་མི་བྱེད་དེ། དེ་མཐོང་བའམ། ཐོས་པ་དྲིས་ན་ཡང་དག་པར་སྨྲ་བར་བྱེད་དེ། དེ་བདག་གི་དོན་ནམ། གཞན་གྱི་དོན་དུའང་རུང་སྟེ་ལོག་པར་མི་སྨྲའོ། །གཞན་དག་གིས་བརྫུན་དུ་སྨྲ་བ་བཅོལ་བའི་ཚེ་ཡང་དག་པར་ཤེས་ན་བདེན་པ་སྲུང་བར་བྱེད་དེ། ངག་གི་ཡོངས་སུ་མ་དག་པ་དེ་དག་སྤོང་བར་བྱེད་དོ། །དེ་དེ་དག་དབྱེ་བའི་ཕྱིར་འདི་ནས་ཐོས་པ་ཕ་གིར་མི་སྙོད། དེ་དག་དབྱེ་བའི་ཕྱིར་ཕ་གི་ནས་ཐོས་པ་འདིར་མི་སྙོད་དེ། མཐུན་པ་རྣམས་ནི་གཅུགས་པར་བྱེད་ཅིང་བྱེ་བ་རྣམས་ལ་ནི་སྡུམས་བྱེད་དོ། །དེ་ངག་རྩུབ་པོ་སྤངས་པ་ཡིན་ཏེ། ངག་གང་ཞེར་འདེབས་པ། བརླང་བ། གཞན་ལ་རྩུབ་པ། གཞན་ལ་མི་བདེ་བ། མི་སྡུག་པ། མི་འདོད་པ། མི་དགའ་བ། ཡིད་དུ་མི་འོང་བ། གཞན་ལ་གནོད་པ། འཁོན་དུ་འཛིན་པའི་ངག་དེ་ལྟ་བུ་སྤངས་ནས་ངག་མཉན་པ། འཇམ་པ། ཡིད་དུ་འོང་བ། བདེན་པ། རྣར་སྙན་པ། སྙིང་དུ་སྡུག་པ། མཛའ་བར་གྱུར་པ། སྐྱེ་བོ་མང་པོ་མགུ་བ། སྐྱེ་བོ་མང་པོ་འདོད་པ། དགའ་བ། ཡིད་དུ་འོང་བ། དགྲ་ཐམས་ཅད་རབ་ཏུ་ཞི་བར་བྱེད་པ་དེ་ལྟ་བུའི་ངག་སྨྲའོ། །དེ་ཚིག་ཀྱལ་པ་སྤངས་པ་ཡིན་ཏེ། དེ་སྤང་བར་བྱ་བ་གཞན་དང་མི་སྨྲ་བ་ཡིན། དེ་གཞན་གྱི་ལག་རྩིས་དང༌། བརྡ་སྦེད་པར་བྱེད་དོ། །དེ་མང་དུ་སྨྲ་བར་མི་བྱེད། དུས་མ་ཡིན་པར་སྨྲ་བར་མི་བྱེད་ལ། མྱ་ངན་ལས་འདས་པ་དང་མི་ལྡན་པའི་ཚིག་མི་སྨྲ་སྟེ། དེ་ལྟར་དེ་དག་གི་ལས་ཡོངས་སུ་མ་དག་པ་སྤོང་བ་འདི་ནི། ངག་གི་ལས་ཡོངས་སུ་དག་པ་ཞེས་བྱའོ། །༣ དེ་ཡིད་ཀྱི་ལས་ཡོངས་སུ་མ་དག་པ་སྤོང་བ་ཡིན་ཏེ། དེ་བརྣབ་སེམས་སུ་མི་བྱེད་ཅིང་དེ་གཞན་གྱི་ནོར་དང༌། གཞན་གྱི་རྫས་དང༌། གཞན་གྱི་ཡོ་བྱད་དག་ལ་བརྣབ་སེམས་མི་སྐྱེད་དོ། །དེ་གནོད་སེམས་མི་བྱེད་དེ། གནོད་སེམས་སྤོང་བ་ཡིན་ནོ། །ལོག་པར་ལྟ་བའང་སྤོང་སྟེ། སྡིག་པའི་ལྟ་བ་ཅན་མ་ཡིན་ནོ། །དེ་ལྟར་ཡིད་ཀྱི་ལས་ཡོངས་སུ་མ་དག་པ་སྤོང་བ་འདི་ནི་ཡིད་ཀྱི་ལས་ཡོངས་སུ་དག་པ་ཞེས་བྱའོ། །༤ མཛའ་བཤེས་ཡོངས་སུ་དག་པའང་འཐོབ་སྟེ། གང་དག་བརྫུན་དུ་སྨྲ་བ་དང༌། འབྲུའི་ཆང་དང༌། བཅོས་པའི་ཆང་བཏུང་བ་སྤོང་བ་དང༌། མི་རྩུབ་པ་དང༌། མི་བརླང་བ་དང༌། ལེགས་པར་སྡོམ་པ་དང༌། ཡང་དག་པའི་ལྟ་བ་ཅན་དེ་དག་ལ་སྟེན་ཅིང་གོང་དུའང་སངས་རྒྱས་བཅོམ་ལྡན་འདས་རྣམས་དང༌། བྱང་ཆུབ་སེམས་དཔའ་རྣམས་དང༌། རང་སངས་རྒྱས་དང༌། ཉན་ཐོས་རྣམས་ལའང་སྟེན་ཅིང་སྙེན་ལ་བསྙེན་བཀུར་བྱེད་དེ། འདི་ནི་ཡོངས་སུ་དག་པ་བཞི་པ་སྟེ་མཛའ་བཤེས་ཡོངས་སུ་དག་པ་ཞེས་བྱའོ། །
Domain	ཆོས་ལུགས།

{{#arraymap:དེ་བཞིན་གཤེགས་པ་ལ་མར་མེ་ཕུལ་བས་ཡོངས་སུ་དག་པ་འཐོབ་པ་བཞི་

|; |@@@ | | }}