30205

དེ་བཞིན་གཤེགས་པ་ལ་མར་མེ་ཕུལ་བས་སེམས་ཀྱིས་ངེས་པར་ཐོབ་པ་གསུམ་ (1)

Part of speech	མིང་ཚིག
Definition	འཕགས་པ་མར་མེ་འབུལ་བའི་མདོ་ལས་བྱུང་བ་སྟེ། ༡ བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་མཆོད་པ་བྱས་ཏེ། ལུས་ཐོབ་པ་སྙིང་པོ་དང༌། སྙིང་པོ་མ་ཡིན་པའི་ལུས་ཤེས་པར་བྱས་ལ་སྙིང་པོ་སྦྱིན་པར་བྱའོ་སྙམ་ནས་ལོངས་སྤྱོད་རྣམས་ལ་ཉེས་དམིགས་ཅན་དུ་ཤེས་ཏེ། སྙིང་པོ་མེད་པའི་ལོངས་སྤྱོད་རྣམས་ལ་སྙིང་པོ་སྦྱིན་པར་བྱེད་པ་འདི་ནི། ཤཱ་རིའི་བུ། དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་པའི་སེམས་ཀྱི་ངེས་པར་སེམས་པ་དང་པོའོ། ། ༢ བདག་གིས་བསོད་ནམས་ཀྱི་ཞིང་བླ་ན་མེད་པའི་ཡོན་གནས་ཀྱི་སྦྱིན་པ་མཆོག་ལེན་པ་བོ་ལ་མཆོད་པ་བྱས་པས་བདག་ལ་སེམས་ཅན་དམྱལ་བའི་འཇིགས་པའམ། དུད་འགྲོའི་སྐྱེ་གནས་ཀྱི་འཇིགས་པའམ། གཤིན་རྗེའི་འཇིག་རྟེན་གྱི་འཇིགས་པ་མེད་དོ། །བདག་གི་འགྲོ་བ་བདེ་བ་ནི་ལྔ་སྟེ། མཐོ་རིས་འཐོབ་པའམ། མི་འཐོབ་པའམ། གཟུགས་འཐོབ་པའམ། ལོངས་སྤྱོད་འཐོབ་པའམ། བྱང་ཆུབ་འཐོབ་བོ་སྙམ་པ་དེ་ནི། དེ་བཞིན་གཤེགས་པའི་མཆོད་རྟེན་ལ་མཆོད་པ་བྱ་བའི་སེམས་ཀྱི་ངེས་པར་སེམས་པ་འཐོབ་པ་གཉིས་པའོ། ། ༣ དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་ཡོངས་སུ་ཕུལ་བ་ལ་ཡང་དག་པར་གནས་པ་ཡིན་ཏེ། གལ་ཏེ་བདག་གིས་སྦྱིན་པ་བྱིན་ནོ། །བདག་གིས་བསོད་ནམས་དག་ཀྱང་བྱས་སོ། །བདག་གིས་སེར་སྣ་སྤངས་སོ་སྙམ་དུ་ཤེས་ཤིང་དེ་འདི་སྙམ་དུ་སེམས་ཏེ། བདག་ནི་སྦྱིན་པ་པོ་ཡིན་ལ་བདག་གིས་ཀྱང་སྦྱིན་པ་བྱིན་ནོ་སྙམ་དུ་དེ་ལྟར་སེམས་ཤིང་གཏོང་བ་ལ་ཡོངས་སུ་གདུང་བ་མེད། བརྙེས་པ་མེད་དེ། དེ་ནི་དེ་བཞིན་གཤེགས་པའི་མཆོད་རྟེན་ལ་མཆོད་པ་བྱས་པའི་སེམས་ཀྱི་ངེས་པར་སེམས་པ་འཐོབ་པ་གསུམ་པའོ། །
Domain	ཆོས་ལུགས།

{{#arraymap:དེ་བཞིན་གཤེགས་པ་ལ་མར་མེ་ཕུལ་བས་སེམས་ཀྱིས་ངེས་པར་ཐོབ་པ་གསུམ་

|; |@@@ | | }}