30363

དེ་མ་ཐག་རྐྱེན་ (1)

Part of speech	མིང་ཚིག
Definition	མངོན་པ། རྗེ་ཙོང་ཁ་པའི་སྡེ་བདུན་ལ་འཇུག་པའི་སྒོ་དོན་གཉེར་ཡིད་ཀྱི་མུན་སེལ་ལས། དེ་མ་ཐག་རྐྱེན་གྱི་མཚན་ཉིད་སྔར་(ཆོས་དེ་གསལ་རིག་གི་ངོ་བོར་གཙོ་བོར་དངོས་སུ་སྐྱེད་བྱེད། )བཞིན་ལ།
Example	ཤེས་པ་སྔ་མའི་ནུས་པའི་དབང་གིས་སྔོར་སྣང་དབང་ཤེས་མྱོང་བའི་ངོ་བོར་གཙོ་བོར་དངོས་སུ་སྐྱེད་པ་ཤེས་རྒྱུད་ཀྱི་སྟེང་གི་ནུས་པ་ལྟ་བུའོ། །ཞེས་གསུངས།
Domain	ཆོས་ལུགས།

{{#arraymap:དེ་མ་ཐག་རྐྱེན་

|; |@@@ | | }}

དེ་མ་ཐག་རྐྱེན་ (2)

Part of speech

མིང་ཚིག

Definition

དགའ་བྱང་ཡིག་ཆར། དེ་མ་ཐག་རྐྱེན་ཞེས་པ་གཞི་སྔོན་འཛིན་དབང་མངོན་ལྟ་བུ་ལ་སྦྱར་ན། སྔོན་འཛིན་དབང་མངོན་མྱོང་བ་གསལ་རིག་ཙམ་དུ་གཙོ་བོར་དངོས་སུ་སྐྱེད་པར་བྱེད་པའི་ཆོས་ཞིག་ལ་ཟེར། དེ་ལྟར་ཡང་མཁས་གྲུབ་སྦྱིན་པ་དར་རྒྱས་ཀྱི་མཛད་པའི་རྒྱུ་འབྲས་འཁོར་ལོ་ལས། གསུམ་པ་ནི། སྔོན་འཛིན་མངོན་སུམ་མྱོང་བ་གསལ་རིག་ཙམ་དུ་གཙོ་བོར་དངོས་སུ་སྐྱེད་བྱེད་ཀྱི་རིག་པ་དེ། སྔོན་འཛིན་མངོན་སུམ་གྱི་དེ་མ་ཐག་རྐྱེན་གྱི་མཚན་ཉིད། མཚན་གཞི་ནི། སྔོན་འཛིན་མངོན་སུམ་གྱི་སྔ་ལོགས་དེ་མ་ཐག་ཏུ་བྱུང་བའི་སྔོན་པོ་ཡིད་ལ་བྱེད་པའི་ཤེས་པ་ལྟ་བུའོ། །ཞེས་གསུངས།

{{#arraymap:དེ་མ་ཐག་རྐྱེན་

|; |@@@ | | }}

དེ་མ་ཐག་རྐྱེན་ (3)

Part of speech	མིང་ཚིག
Definition	བཀྲས་ལྷུན་དཀྱིལ་ཁང་ཡིག་ཆར། རང་གི་འབྲས་བུར་གྱུར་པའི་ཤེས་པའི་ཉེར་ལེན་བྱེད་པའི་རིག་པར་དམིགས་པ། དེ་མ་ཐག་རྐྱེན་གྱི་མཚན་ཉིད། མཚན་གཞི་ནི། ལྷག་མེད་མྱང་ངན་ལས་འདའ་ཁ་མའི་དགྲ་བཅོམ་པའི་སེམས་མ་གཏོགས་པའི་སེམས་བྱུང་ད་ལྟ་བ་ལྟ་བུའོ། །

{{#arraymap:དེ་མ་ཐག་རྐྱེན་

|; |@@@ | | }}

དེ་མ་ཐག་རྐྱེན་ (4)

Part of speech

མིང་ཚིག

Definition

རྐྱེན་བཞིའི་ནང་གསེས་ཤིག་སྟེ། དེ་མ་ཐག་རྐྱེན་ལ། སེམས་ཀྱི་མཚུངས་པ་དེ་མ་ཐག་རྐྱེན་དང༌། སེམས་ཀྱི་དེ་མ་ཐག་རྐྱེན་དང༌། སྙོམས་འཇུག་གི་དེ་མ་ཐག་རྐྱེན་གསུམ་གང་རུང་སྟེ། མཆིམས་མཛོད་ལས། དེས་ན་གྲུབ་པའི་མཐའ་སྨྲ་བ་འདིའི་ལྟར་ན་སེམས་ཀྱི་མཚུངས་པ་དེ་མ་ཐག་རྐྱེན་དང་། སེམས་ཀྱི་དེ་མ་ཐག་རྐྱེན་དང་། སྙོམས་འཇུག་གི་དེ་མ་ཐག་རྐྱེན་གསུམ་ཡོད་པ་ལས། སེམས་མེད་ཀྱི་སྙོམས་འཇུག་གཉིས་དང་སེམས་དང་སེམས་བྱུང་ལ་ནི་སྤྱིར་གསུམ་ག་ཡོད་དེ། སྙོམས་འཇུག་གཉིས་ལས་ལྡང་སེམས་ཀྱང་སྙོམས་འཇུག་གཉིས་ཀྱི་དེ་མ་ཐག་པ་ཅན་དུ་བཤད་པའི་ཕྱིར་རོ། །སེམས་མེད་ཀྱི་སྙོམས་འཇུག་གཉིས་དང་སེམས་དང་སེམས་བྱུང་མ་ཡིན་ཡང་སྙོམས་འཇུག་གཉིས་ཀྱི་སྐད་ཅིག་མ་དང་པོའི་མཚན་ཉིད་སྐྱེ་སོགས་དང་ཐོབ་པ་ལ་སོགས་པ་དང༌། སེམས་དང་སེམས་བྱུང་གི་མཚན་ཉིད་སྐྱེ་སོགས་དང་ཐོབ་པ་ལ་སོགས་པ་ལའང་སེམས་ཀྱི་མཚུངས་པ་དེ་མ་ཐག་རྐྱེན་མི་འབྱུང་ཡང་སེམས་ཀྱི་དེ་མ་ཐག་རྐྱེན་དང་སྙོམས་འཇུག་གི་དེ་མ་ཐག་རྐྱེན་གཉིས་ཀྱིས་བསྐྱེད་པར་འདོད་ལ། སེམས་མེད་ཀྱི་སྙོམས་འཇུག་གཉིས་མཚུངས་ལྡན་མ་ཡིན་ཡང་སྙོམས་འཇུག་རང་རང་གི་སྐད་ཅིག་མ་ཕྱི་མ་རྣམས་དང༌། སྙོམས་འཇུག་གཉིས་ཀྱི་སྐད་ཅིག་མ་གཉིས་པ་ལ་སོགས་པའི་མཚན་ཉིད་སྐྱེ་སོགས་དང་ཐོབ་པ་ལ་སོགས་པ་རྣམས་ཀྱང་སྙོམས་པར་འཇུག་པའི་དེ་མ་ཐག་རྐྱེན་གྱིས་བསྐྱེད་པར་འདོད་དོ། །ཞེས་དང་།

{{#arraymap:དེ་མ་ཐག་རྐྱེན་

|; |@@@ | | }}

དེ་མ་ཐག་རྐྱེན་ (5)

Part of speech

མིང་ཚིག

Definition

དེ་མ་ཐག་རྐྱེན་གྱི་མཚན་ཉིད་ནི་མཚུངས་ལྡན་གང་ཞིག་རང་གི་འབྲས་བུ་ཤེས་པ་ཕྱི་མ་སྐྱེད་བྱེད་དོ། །སྒྲ་དོན་ནི་རྐྱེན་འདི་མཚུངས་པའང་ཡིན་ལ་དེ་མ་ཐག་པའང་ཡིན་པས་སོ། །དེའི་དོན་ནི་རྒྱུད་གཅིག་ལ་ཤེས་པ་རྫས་རིགས་མཐུན་གཉིས་མེད་པར་རྫས་རེ་རེ་བར་འདྲ་བས་ན་མཚུངས་པ་དང། དུས་གཞན་གྱིས་ཆོད་ཀྱང་ཤེས་པ་གཞན་གྱིས་བར་དུ་མ་ཆོད་པས་ན་དེ་མ་ཐག་གོ ། འོ་ན་ཆོས་གང་སེམས་ཀྱི་མཚུངས་པ་དེ་མ་ཐག་པ་ཅན་ཡིན་ན་སེམས་ཀྱི་དེ་མ་ཐག་པ་ཅན་ཡང་ཡིན་ནམ་ཞེ་ན། མུ་བཞི་སྟེ་དང་པོ་སྙོམས་འཇུག་གཉིས་ཀྱི་སྐད་ཅིག་གཉིས་པ་སོགས་དང་ལྡང་སེམས་སོ། །གཉིས་པ་སྙོམས་འཇུག་གི་སྐད་ཅིག་དང་པོའི་དང་སེམས་དང་བཅས་པའི་གནས་སྐབས་ཀྱི་སྐྱེ་བ་ལ་སོགས་པའོ། །གསུམ་པ་སྙོམས་འཇུག་གི་སྐད་ཅིག་དང་པོའི་སེམས་དང་བཅས་པའི་གནས་སྐབས་སོ། །བཞི་པ་སྙོམས་འཇུག་གི་སྐད་ཅིག་གཉིས་པ་སོགས་ཀྱི་དང་ལྡང་སེམས་ཀྱི་སྐྱེ་བ་ལ་སོགས་པའོ། །དེ་བཞིན་དུ་ཆོས་གང་སེམས་ཀྱི་མཚུངས་པ་དེ་མ་ཐག་པ་ཅན་ཡིན་ལ་སྙོམས་འཇུག་གི་དེ་མ་ཐག་པ་ཅན་མ་ཡིན་པ་ལ་སོགས་པ་མུ་བཞིའོ། །ཞེས་མཆིམས་བློ་བཟང་གྲགས་ཀྱི་ཆོས་མངོན་པ་གསལ་བྱེད་ལེགས་པར་བཤད་པའི་རྒྱ་མཚོ་ལས་སོ། །

{{#arraymap:དེ་མ་ཐག་རྐྱེན་

|; |@@@ | | }}