30511

དེ་སྒྲུབ་ཀྱི་རྟགས་ཡང་དག་ (1)

Part of speech	མིང་ཚིག
Definition	མདོ་སྡེ་བ། དེ་སྒྲུབ་ཀྱི་ཚུལ་གསུམ་ཡིན་པ། དེ་ལ་དབྱེ་ཚུལ་མི་འདྲ་བ་དུ་མ་ཡོད་དེ། ངོ་བོའི་སྒོ་ནས་དབྱེ་བ། བསྒྲུབ་བྱའི་སྒོ་ནས་དབྱེ་བ། བསྒྲུབ་བྱའི་ཆོས་ཀྱི་སྒོ་ནས་དབྱེ་བ། སྒྲུབ་ཚུལ་གྱི་སྒོ་ནས་དབྱེ་བ། མཐུན་ཕྱོགས་ལ་འཇུག་ཚུལ་གྱི་སྒོ་ནས་དབྱེ་བ། རྒོལ་བའི་སྒོ་ནས་དབྱེ་བ་དང་དྲུག་ཡོད། དེ་ལ་ངོ་བོའི་སྒོ་ནས་དབྱེ་ན། འབྲས་རང་མ་དམིགས་པའི་རྟགས་གསུམ། བསྒྲུབ་བྱའི་སྒོ་ནས་དབྱེ་ན་གསུམ་སྟེ། དངོས་སྟོབས་ཀྱི་རྟགས། ཡིད་ཆེས་ཀྱི་རྟགས། གྲགས་པའི་རྟགས་སོ། །བསྒྲུབ་བྱའི་ཆོས་ཀྱི་སྒོ་ནས་དབྱེ་ན། དགག་རྟགས་ཡང་དག་དང་། སྒྲུབ་རྟགས་ཡང་དག་གཉིས། སྒྲུབ་ཚུལ་གྱི་སྒོ་ནས་དབྱེ་ན། དོན་སྒྲུབ་ཀྱི་རྟགས་དང་། ཐ་སྙད་སྒྲུབ་ཀྱི་རྟགས། དོན་དང་ཐ་སྙད་གཉིས་ཀ་སྒྲུབ་པའི་རྟགས་དང་གསུམ། མཐུན་ཕྱོགས་ལ་འཇུག་ཚུལ་གྱི་སྒོ་ནས་དབྱེ་ན། མཐུན་ཕྱོགས་ལ་ཁྱབ་བྱེད་དུ་འཇུག་པ་དང་མཐུན་ཕྱོགས་ལ་རྣམ་གཉིས་སུ་འཇུག་པའི་རྟགས་ཡང་དག་གཉིས། རྒོལ་བའི་སྒོ་ནས་དབྱེ་ན་གཉིས་ཡོད་དེ། རང་དོན་སྐབས་ཀྱི་རྟགས་ཡང་དག་དང་། གཞན་དོན་སྐབས་ཀྱི་རྟགས་ཡང་དག་གཉིས་སོ། །
Domain	ཚད་མ།