30565

དེབ་ཐེར་སྔོན་པོའི་ཁྱད་ཆོས་བཞི་ (1)

Part of speech

མིང་ཚིག

Definition

༡ སྐབས་དེར་ཁོང་གིས་གཟིགས་མྱོང་བའི་དཔྱད་གཞིའི་ཡིག་ཆའི་རིགས་ལ་བཤད་ཚུལ་མི་འདྲ་བ་ཡོད་པ་རྣམས་སྐབས་སུ་གང་བབས་ཀྱིས་ཐད་ཀར་བཀོད་ལས། དེ་དག་ལ་དགག་སྒྲུབ་ཀྱི་སྤྲོས་པ་མཛད་མེད་པ། ༢ དཔྱད་གཞིའི་ཡིག་ཆ་ཁུངས་བཙན་མེད་པའི་ཐོག་རིགས་པས་ཀྱང་བསྒྲུབ་པར་དཀའ་བ་རྣམས་གཞན་གྱི་ཟེར་སྒྲོས་ཤོད་རྒྱུན་ཙམ་ལས་མེད་ཀྱང་བཏང་སྙོམས་སུ་འཇོག་པར་མ་མཛད་པར་ཕྱི་རབས་མཁས་པ་རྣམས་ཀྱིས་སླར་ཡང་བརྟག་དཔྱད་བྱ་རྒྱུའི་དཔྱད་གཞིར་བཀོད་གནང་ཡོད་པ། ༣ ཆོས་ལུགས་གྲུབ་མཐའ་ཁག་གི་ལོ་རྒྱུས་ཐད་རང་རང་སོ་སོའི་ཆོས་འབྱུང་དང་རྣམ་ཐར་ནང་འཁོད་པ་གཞིར་བཟུང་ནས་འབྲི་གནང་མཛད་ཐོག་ཚང་མར་གདེང་འཇོག་མཐོན་པོའི་བསྟོད་བསྔགས་གནང་བ་མ་གཏོགས། རང་ཉིད་ཀྱི་གྲུབ་མཐའི་ཕྱོགས་བཟུང་ནས་གཞན་ལ་ཟུར་ཟ་དང་དམའ་འབེབས་ཀྱི་ཚིག་གཏན་ནས་བཀོད་མེད་པའི་དབང་གིས་ཀློག་པ་པོ་ཚོས་བལྟས་ན་འགོས་ལོ་རང་ཉིད་ཀྱི་རྩ་བའི་གྲུབ་མཐའ་གང་ཡིན་གསལ་པོར་ཤེས་མི་ཐུབ་པ། ༤ རང་ཉིད་ཀྱིས་བརྩམས་པའི་དེབ་ཐེར་འདི་ལ་རང་ཉིད་ཀྱིས་གདེང་འཇོག་མཛད་པ་ཧ་ཅང་དྲང་པོ་ཡིན་པ་སྟེ། རང་ཉིད་ཀྱིས་འབྲི་གནང་མཛད་པའི་ལོ་རྒྱུས་མང་ཆེ་བ་ནི་སྔ་རབས་ཀྱི་ཡི་གེ་རྙིང་པ་གཞིར་བཟུང་ནས་བྲིས་པ་ཡིན་པས་ཡིད་ཆེས་བྱེད་ཆོག་པའི་ཁུངས་བཙན་ཡིན་པ་དང་། དཔྱད་གཞི་ཁུངས་བཙན་མེད་པའི་རིགས་རྣམས་གཞན་གྱི་ཟེར་ཚོད་ཙམ་བྲིས་པ་མ་གཏོགས་རིགས་པས་བསྒྲུབ་ཐུབ་པ་མི་སྣང་ཞེས་གསལ་བར་གསུངས་ཡོད་པ་བཅས་ཡིན་ནོ། །