30779

དོན་གཞན་ལ་དགོངས་པའི་མདོ་ (1)

Part of speech	མིང་ཚིག
Definition	མདོ། ཕར་ཕྱིན། རང་རྒྱུད་པ། དོན་གཞན་ཞིག་གོ་བའི་ཕྱིར་དུ་སྒྲས་ཟིན་ལ་གཞན་ཞིག་སྟོན་པའི་དྲང་དོན་གྱི་མདོ་ཞིག་ལ་དོན་གཞན་ལ་དགོངས་པའི་མདོ་ཞེས་བརྗོད།
Example	ཕ་དང་མ་ནི་གསད་བྱ་ཞིང། །རྒྱལ་པོ་གཙང་སྦྲ་ཅན་གཉིས་དང། །ཡུལ་འཁོར་འཁོར་དང་བཅས་བཅོམ་ན། །མི་དེ་དག་པ་ཉིད་དུ་འགྱུར། །ཞེས་པའི་མདོ་ལྟ་བུ། དེ་ཡང་པཎ་ཆེན་ཕར་ཕྱིན་སྤྱི་དོན་ལས། དོན་གཞན་ལ་དགོངས་ལུགས་ནི། ཕ་མ་གཉིས་ནི་རྟེན་འབྲེལ་ཡན་ལག་བཅུ་གཉིས་ཀྱི་ནང་ཚན་དུ་གྱུར་པའི་འདུ་བྱེད་དང་སྲིད་པ། རྒྱལ་པོ་ནི་དེའི་ནང་ཚན་དུ་གྱུར་པའི་རྣམ་ཤེས། གཙང་སྦྲ་ཅན་གཉིས་ནི་ལྟ་བ་མཆོག་འཛིན་དང་ཚུལ་ཁྲིམས་བརྟུལ་ཞུགས་མཆོག་འཛིན་གཉིས། ཡུལ་འཁོར་ནི་འཁོར་བས་བསྡུས་པའི་མིག་སོགས་སྐྱེ་མཆེད་དྲུག འཁོར་བཅས་ནི་འཁོར་བས་བསྡུས་པའི་ཕྱིའི་སྐྱེ་མཆེད་ཡིན་ལ། དེ་དག་གཉེན་པོའི་སྟོབས་ཀྱིས་བཅོམ་ན། དེ་འདྲའི་མི་དེས་དག་པ་བྱང་ཆུབ་ཐོབ་ཅེས་པའི་དོན་ནོ། །ཞེས་གསུངས།
Domain	ཆོས་ལུགས།