30873

དོན་དམ་དཔྱོད་བྱེད་ཀྱི་རིགས་པའི་དགག་བྱ་ (1)

Part of speech	མིང་ཚིག
Definition	མདོ། དབུ་མ། དོན་དམ་དཔྱོད་བྱེད་ཀྱི་རིགས་པ་ཡང་དག་གམ་དོན་དམ་དཔྱོད་བྱེད་ཀྱི་རྟགས་ཡང་དག་གམ་གནས་ལུགས་དཔྱོད་བྱེད་ཀྱི་རྟགས་ཡང་དག་གི་དགག་བྱ་སྟེ།
Example	རྟེན་འབྲེལ་རྟགས་ཀྱིས་སྒྲ་རང་བཞིན་གྱིས་མེད་པར་བསྒྲུབ་པ་ལ། སྒྲ་རང་བཞིན་གྱིས་གྲུབ་པར་འཛིན་པའི་བདེན་འཛིན་དང་། དེའི་ཞེན་ཡུལ་སྒྲ་རང་བཞིན་གྱིས་གྲུབ་པ་ལྟ་བུའོ། ། དེ་ལ་དབྱེ་ན། དོན་དམ་དཔྱོད་བྱེད་ཀྱི་རིགས་པའི་དགག་བྱ་ཙམ་དང་། དོན་དམ་དཔྱོད་བྱེད་ཀྱི་རིགས་པའི་དགག་བྱ་མཐར་ཐུག་གཉིས། དེ་ཡང་། མཁས་གྲུབ་བསྟན་དར་བའི་དབུ་མའི་མཐའ་དཔྱོད་ལས། ཁ་ཅིག ། དོན་དམ་ལ་དཔྱོད་པའི་རྟགས་ཡང་དག་གི་དགག་བྱ་ཡིན་ན་མེད་པས་ཁྱབ་ཟེར་ན། མི་འཐད་དེ། ལམ་རིམ་ཆེན་མོ། སྐལ་བཟང་མིག་འབྱེད་གཉིས་ལས། རྩོད་ཟློག་རང་འགྲེལ་ལས། སྐྱེས་བུ་ཁ་ཅིག་སྤྲུལ་པའི་བུད་མེད་རང་བཞིན་གྱིས་སྟོང་པ་ཡིན་པ་ལ་དོན་དམ་པར་བུད་མེད་ཡོད་དོ་སྙམ་དུ་ལོག་པར་འཛིན་པར་འགྱུར་རོ། དེ་ལོག་པར་འཛིན་པ་དེས་འདོད་ཆགས་སྐྱེས་པ་ལ་དེ་བཞིན་གཤེགས་པའམ་དེའི་ཉན་ཐོས་ཀྱི་སྤྲུལ་པ་ཞིག་སྤྲུལ་ཏེ་དེས་དེའི་ལོག་པར་འཛིན་པ་དེ་ལོག་པར་བྱེད་དོ། །དེ་བཞིན་དུ་ངའི་ཚིག་སྟོང་པ་སྤྲུལ་པ་ལྟ་བུས་དངོས་པོ་ཐམས་ཅད་ལ་རང་བཞིན་མེད་པ་དང་རང་བཞིན་ཡོད་པར་འཛིན་པ་དེ་ཟློག་པར་བྱེད་དོ། །ཞེས་པ་དྲངས་ནས་བདག་འཛིན་གཉིས་དོན་དམ་ལ་དཔྱོད་པའི་རྟགས་ཡང་དག་གི་དགག་བྱར་གསུངས་པའི་ཕྱིར་དང༌། རིགས་པས་ཀྱང་གྲུབ་སྟེ། གཅིག་དུ་བྲལ་སོགས་ཀྱི་རིགས་པས་བདག་འཛིན་གཉིས་ཀྱི་ཞེན་ཡུལ་འགོག་པ་དེ་ཡང་དེ་གཉིས་འགོག་པའི་ཆེད་དུ་ཡིན་པའི་ཕྱིར་ཏེ། དེ་གཉིས་སྤོང་བའི་ཆེད་དུ་ཡིན་པའི་ཕྱིར། དེར་ཐལ། སྟོང་ཉིད་སྒོམ་པ་དེ་གཉིས་སྤོང་བའི་ཕྱིར་དུ་ཡིན་པའི་ཕྱིར། དེར་ཐལ། འདི་ཡུལ་སུན་དབྱུང་མེད་པར་ནི། །དེ་སྤོང་བར་ནི་ནུས་མ་ཡིན། །ཞེས་གསུངས་པའི་ཕྱིར། ཞེས་གསུངས། དོན་གཅིག་ལ། དོན་དམ་ལ་དཔྱོད་པའི་རིགས་པའི་དགག་བྱ། དོན་དམ་དཔྱོད་བྱེད་ཀྱི་རིགས་པའི་དགག་བྱ། དོན་དམ་ལ་དཔྱོད་པའི་རྟགས་ཡང་དག་གི་དགག་བྱ། དོན་དམ་དཔྱོད་བྱེད་ཀྱི་རྟགས་ཡང་དག་གི་དགག་བྱ་རྣམས་སོ། །
Domain	ཆོས་ལུགས།

{{#arraymap:དོན་དམ་དཔྱོད་བྱེད་ཀྱི་རིགས་པའི་དགག་བྱ་

|; |@@@ | | }}