30918

དོན་དམ་པར་གཞན་སྐྱེ་མི་འཐད་པ་ (1)

Part of speech	མིང་ཚིག
Definition	མདོ། དབུ་མ། འགྲེལ་པར། གལ་ཏེ་གཟུགས་དང་ཚོར་བ་ལ་སོགས་པ་དངོས་པོ་རྣམས་ཀྱི་རང་གི་མཚན་ཉིད་དེ་རང་གི་ངོ་བོ་དང་རང་བཞིན། རྒྱུ་རྐྱེན་དག་གིས་སྐྱེད་ན་ནི་དེའི་ཚེ་གང་གི་ཚེ་ན་རྣལ་འབྱོར་པ་འདིས་དངོས་པོ་རྣམས་རང་བཞིན་གྱིས་སྟོང་པར་མཐོང་ཞིང་། ཆོས་ཐམས་ཅད་རང་བཞིན་མེད་པར་རྟོགས་པ་དེའི་ཚེ་ངེས་པར་ཇི་ལྟར་སྐྱེས་པའི་རང་བཞིན་ལ་སྐུར་བ་བཏབ་པས་སྟོང་ཉིད་རྟོགས་པར་འགྱུར་ཏེ། དེའི་ཕྱིར་ཇི་ལྟར་ཐོ་བ་ལ་སོགས་པ་དག་བུམ་པ་ལ་སོགས་པ་རྣམས་ཀྱི་འཇིག་པའི་རྒྱུ་ཡིན་པ་དེ་བཞིན་དུ་སྟོང་པ་ཉིད་ཀྱང་དངོས་པོའི་རང་བཞིན་ལ་སྐུར་བའི་རྒྱུར་འགྱུར་བ་ཞིག་ན། དེ་ནི་རུང་བ་ཡང་མ་ཡིན་ལ། དེའི་ཕྱིར་དངོས་པོ་རྣམས་ཀྱི་རང་གི་མཚན་ཉིད་ནི་ཐམས་ཅད་ཀྱི་ཚེ་སྐྱེ་བར་ཁས་བླང་བར་མི་བྱའོ་ཞེས་གསུངས་ཏེ། དེའི་དོན་སེམས་ཙམ་པས་གཞན་དབང་གི་དངོས་པོ་རང་མཚན་ཉིད་ཀྱིས་གྲུབ་པ་དོན་དམ་པར་རྒྱུ་རྐྱེན་གཞན་གྱིས་བསྐྱེད་པར་འདོད་ན་འཕགས་པའི་མཉམ་བཞག་གིས་གཞན་དབང་གི་དངོས་པོ་རང་བཞིན་གྱིས་སྟོང་པ་དང་། ཀུན་བཏགས་གཞན་དབང་གིས་བསྡུས་པའི་ཆོས་ཐམས་ཅད་རང་བཞིན་གྱིས་མེད་པར་རྟོགས་པའི་ཚེ། གཞན་དབང་ཇི་ལྟར་སྐྱེས་པའི་རང་བཞིན་ལ་སྐུར་བ་བཏབ་པའི་སྒོ་ནས་སྟོང་ཉིད་རྟོགས་པར་འགྱུར་ཏེ། གཞན་དབང་རང་གི་མཚན་ཉིད་ཀྱིས་གྲུབ་པ་གང་ཞིག་དེས་གཞན་དབང་རང་གི་མཚན་ཉིད་ཀྱིས་མ་གྲུབ་པར་རྟོགས་པའི་ཕྱིར། དེ་བཞིན་དུ་སྟོང་པ་ཉིད་དེ་གཞན་དབང་གི་དངོས་པོའི་འཇིག་རྒྱུར་ཐལ་ཏེ། སྟོང་ཉིད་མ་རྟོགས་པའི་ཚེ་གཞན་དབང་རང་གི་མཚན་ཉིད་ཀྱིས་ཡོད་ཀྱང་། དེ་རྟོགས་པའི་ཚེ་གཞན་དབང་རང་གི་མཚན་ཉིད་ཀྱིས་མེད་པའི་ཕྱིར་རོ། །དེ་གཉིས་ཆར་མི་རུང་བ་དེའི་ཕྱིར། གཞན་དབང་རང་གི་མཚན་ཉིད་ཀྱིས་གྲུབ་པར་དོན་དམ་པར་རྒྱུ་རྐྱེན་གཞན་ལས་སྐྱེ་བར་ཁས་བླང་བར་མི་བྱའོ་ཞེས་པའོ། །ཞེས་ཀུན་མཁྱེན་གོ་རམས་པས་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།