31094

དོན་སྤྱོད་པ་ (1)

Part of speech	མིང་ཚིག
Definition	མདོ། དོན་སྤྱོད་པ་ནི། གཞན་ཆོས་ལེན་དུ་གཞུག་པའི་ཕྱིར་དེའི་དོན་སྒྲུབ་པ་སྟེ། ཕ་རོལ་ཟང་ཟིང་གིས་བསྟེན། ཆོས་བཤད་ཀྱང་བཤད་པ་བཞིན་ཉམས་སུ་ལེན་མི་སྤྲོ་ན་ཐབས་མཁས་པས་དེ་ལེན་དུ་འཇུག་སྟེ་དཔེར་ན་སེམས་བསྐྱེད་བླངས་ཀྱང་མི་ཐུབ་སྙམ་པའི་གང་ཟག་ལ་ཁྱོད་སྐྲག་མི་དགོས་འཕགས་པ་འཇམ་དཔལ་ལས། བདུད་སྡིག་ཅན་གྱིས་གཡོ་སྒྱུས་བླངས་པ་དང། ཕྱག་ན་རྡོ་རྗེས། བསྡིགས་ནས་སེམས་བསྐྱེད་པའང་འཚང་རྒྱ་ན། ཁྱེད་མོས་ནས་སེམས་བསྐྱེད་པ་ལྟ་ཅི་སྨོས་ཞེས་ལེན་དུ་འཇུག་པའམ། ད་ལྟ་བླངས་ཀྱང་སྐྱེ་བ་གཞན་དུ་བརྗེད་དེ་འོང་སྙམ་པ་ལ། བདག་བརྗེད་ཀྱང་སེམས་བསྐྱེད་ཀྱིས་མི་གཏོང་སྟེ། སྡིག་པ་ཆེན་པོ་བྱས་ན་རང་བརྗེད་ཀྱང་ལས་ཀྱིས་མི་གཏོང་བར་ངན་སོང་དུ་ལྷུང་ངེས་པ་དང། ཁ་དྲག་པོ་དང་གཉེན་སྦྲེལ་ན་ཁ་ཞན་པོ་མི་འདོད་ཀྱང་མི་གཏོང་བ་ལ་སོགས་པ་མང་དུ་གསུངས་པ་ལ། སློབ་དཔོན་ཐོགས་མེད་ཀྱིས་སྨོན་པ་བྱང་ཆུབ་ཀྱི་སེམས་དང་མ་བྲལ་ན། སྟེང་དང་འོག་དང་ཐད་ཀ་གང་དུ་སྐྱེས་ཀྱང་བྱང་ཆུབ་ཀྱི་སེམས་མི་བརྗེད་དོ་ཞེས་བྱ་བ་དང། སྐྱེས་རབས་ལས། ལས་ཀྱི་རྣམ་པར་སྨིན་པ་བསམ་མི་ཁྱབ། །སྙིང་རྗེའི་བདག་ཉིད་ཅན་ཡང་དུད་འགྲོར་སྐྱེ། །དེས་ན་ཆོས་ཀྱི་འདུ་ཤེས་ཉམས་པ་མེད། །ཅེས་བྱ་བ་གསུངས་སོ། །ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས།
Domain	ཆོས་ལུགས།