31400

དྲག་སྔགས་སྒྲུབ་པ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། དྲག་སྔགས་སྒྲུབ་པ་ནི། མ་ཧཱ་ཡོ་གའི་སྒྲུབ་སྡེའི་རྣམ་གྲངས་གསུམ་གྱི་ཡ་གྱལ་ཞིག་སྟེ། བཀའ་བརྒྱད་རྣམ་བཤད་ལས། སྒྲུབ་སྡེའི་རྣམ་གྲངས་ལ། དམ་ཅན་སྲོག་གི་སྒྲུབ་པ་དང་། དྲག་སྔགས་སྒྲུབ་པ་དང་། ངན་སྔགས་སྒྲུབ་པ་གསུམ་ལས། ཞེས་དང་། གཉིས་པ་དྲག་སྔགས་ཀྱི་སྒྲུབ་པ་ལ་ཡང་གཉིས་ཏེ། གསང་སྔགས་ཀྱི་དྲག་སྔགས་དང་། དམོད་པའི་དྲག་སྔགས་སོ། །དང་པོ་ལ་འཇམ་དཔལ་འཁོར་བཅས་ཀྱི་དྲག་སྔགས། ཁྲག་འཐུང་གི་ལྷ་ཚོགས་ཀྱི་དྲག་སྔགས། ཆེ་མཆོག་གི་ལྷ་ཚོགས་ཀྱི་དྲག་སྔགས། པདྨ་དབང་ཆེན་གྱི་དྲག་སྔགས། ཕུར་པའི་དྲག་སྔགས། དྲེགས་འདུལ་གྱི་དྲག་སྔགས། མ་མོའི་དྲག་སྔགས་སོ། །དམོད་པའི་དྲག་སྔགས་ལ་དྲེགས་པ་བཅོ་བརྒྱད་དམ། དྲེགས་པའི་རིགས་སྟོང་ཕྲག་བརྒྱད་བཅུའི་དྲག་སྔགས་སོ། །ཞེས་གསུངས།
Domain	ཆོས་ལུགས།