32528

ན་རཱི་ཀི་ལ་ (1)

Part of speech	མིང་ཚིག
Definition	ཤིང་བེ་ཏའི་འབྲས་བུ་སྟེ། ནང་དུ་ཆུ་མངར་ལ་བསིལ་བ་འཐུང་རྒྱུ་ཡོད་པའི་ཀོ་ཀོ་ན་ཊི་ཞེས་པའི་ཤིང་འབྲས་དེའི་མིང་། དབྱིན་ཇིའི་སྐད་དུ་ཀོ་ཀོ་ན་ཊི་དང་རྒྱ་གར་ཡུལ་སྐད་དུ་ནཱ་རི་ཡལ་ཟེར། ནཱ་རི་ཡལ་ཞེས་པ་ལེགས་སྦྱར་གྱི་ནཱ་རི་ཀེ་ལཱ་ཟུར་ཆག་པ་ཡིན། ཤིང་འབྲས་དེ་ནི་མ་སྨིན་པའི་དུས་སུ་ནང་དུ་ཆུ་མངར་བསིལ་འཐུང་རྒྱུ་ཡོད་ལ། འདི་ཆེ་ཆུང་མིའི་མགོ་ལས་ཅུང་ཟད་ཆུང་ཙམ་པ་ཞིག་ལ་ཧ་ཅང་ལྕི་བ་ཤིང་སྡོང་ནས་ལྷུངས་ཏེ་མགོ་ཐོག་ཏུ་ཕོག་ན་རྐྱེན་ལམ་དུ་གཏོང་རྒྱུའི་ཉེན་ཁ་ཡོད། དེའི་ནང་འབྲས་དེ་སྨིན་པ་ན་ཞག་ཚི་ཤིན་ཏུ་ཆེ་ལ་ལུག་མགོའི་ཚད་ཙམ་པ་ཞིག་ལ་མདོག་ནག་པོའམ་རྒྱ་སྨུག་ལྟ་བུ་ཞིག་ཏུ་འགྱུར། བེ་ཏའི་འབྲས་བུ་ནི་ཀོ་ཀོ་ན་ཊི་རང་ལ་ཟེར་བ་ཁུ་ནུ་བླ་མའི་ངག་སྒྲོན་འགྲེལ་པར་ཡང་ཟུར་ཙམ་གསལ་ཏེ། ནཱ་རི་ཀེ་ལཱའི་འགྲེལ་བཤད་ལ་བེ་ཏའི་འབྲས་བུ་ཞེས་གསུངས་པས་ཀྱང་ཤེས་ནུས་སོ། །མཁས་དབང་དགེ་འདུན་ཆོས་འཕེལ་གྱི་རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ་ལས་ཀྱང་ཏ་ལ་དང་བེ་ཏ་ཞེས་པ་ཀོ་ཀོ་ན་ཊིའི་འབྲས་བུ་རང་ལ་ངོས་འཛིན་མཛད་འདུག
Foreign	རྒྱ་གར།