32543

ན་རྒ་འཆི་བའི་སྡུག་བསྔལ་ (1)

Part of speech	མིང་ཚིག
Definition	ན་བའི་སྡུག་བསྔལ་དང་། རྒ་བའི་སྡུག་བསྔལ། འཆི་བའི་སྡུག་བསྔལ་དང་གསུམ་སྟེ། རྒྱ་ཆེ་རོལ་བའི་མདོ་ལས། དཔེར་ན་དགུན་སྨད་རླུང་དང་ཁ་བ་ཆེ། རྩྭ་ཤིང་གེལ་བ་ནགས་སྨན་མདངས་ཀྱང་འཕྲོག དེ་ལྟར་ནད་འདིས་འགྲོ་བའི་མདངས་འཕྲོག་ཅིང་། དབང་པོ་ཟུངས་དང་སྟོབས་ནི་ཉམས་པར་བྱེད། ཅེས་ན་བའི་སྡུག་བསྔལ་དང་། རྒ་བས་གཟུགས་སྡུག་གཟུགས་མི་སྡུག་པར་བྱེད། རྒ་བའི་གཟི་བརྗིད་འཕྲོག་ཅིང་ཐུབ་སྟོབས་འཕྲོག རྒ་བས་བདེ་བ་འཕྲོག་ཅིང་བརྙས་པར་བྱེད། རྒ་བས་འཆི་བྱེད་རྒ་བས་མདངས་ཀྱང་འཕྲོག ཅེས་རྒ་བའི་སྡུག་བསྔལ་དང་། འཆི་དང་འཕོ་དང་འཆི་འཕོ་དུས་བྱེད་པ། ཕངས་ཤིང་སྡུག་པའི་སྡུག་བསྔལ་སྐྱེ་བོ་རྟག་ཏུ་འབྲལ། ཕྱིར་མི་འོང་ཞིང་འཕྲད་པར་འགྱུར་མ་ཡིན། ཤིང་ལས་ལོ་འབྲུལ་འདྲ་ཞིང་ཀླུང་རྒྱུན་མཚུངས། ཞེས་འཆི་བའི་སྡུག་བསྔལ་སྟོན་པའོ། །
Domain	ཆོས་ལུགས།