32918

ནང་ནུས་པའི་དབང་ལྔ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། མ་ཧཱ་ཡོ་གའི་ལུགས་ཀྱི་དབང་སྟེ། དཀོན་ཅོག་འགྲེལ་ལས། གསང་བ་ཉན་པའི་དབང་དང་། དངོས་གྲུབ་སྒྲུབ་པའི་དབང་དང་། ལས་རྣམ་བཞི་སྤྱོད་པའི་དབང་དང་། གསང་བ་འཆད་པའི་དབང་དང་། རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་རྣམས་ཕན་པའང་ཡིན་ལ། ད་ལྟ་ཉིད་དུ་ནུས་པ་སོ་སོ་ལ་བྱ་བར་གནས་པས་བསྒོས་པ་ཡིན་པས་དེ་སྐད་ཅེས་བྱའོ། །ཞེས་དང་། འོད་གསལ་སྙིང་པོ་ལས། གསང་བ་ཉན་པའི་དབང་དང་། དངོས་གྲུབ་སྒྲུབ་པའི་དབང་གཉིས་གཙོ་ཆེར་བདག་དོན་ནུས་པའི་ཆེད་དུ་དང་། གསང་བ་འཆད་པའི་དབང་དང་། ཕྲིན་ལས་སྤྱོད་པར་དབང་བསྐུར་བ་གཉིས་ནི་གཙོ་བོར་གཞན་དོན་ནུས་པའི་ཆེད་དུ་དང་། གཉིས་ཀའི་དོན་ནུས་པའི་ཆེད་དུ་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་སྟེ། དེ་ལྟར་ལྔ་ནི་ནུས་དབང་ཞེས་བྱ་སྟེ། དེ་དག་ཕན་པའང་ཡིན་མོད་གཙོ་བོར་ལས་དེ་དག་ནུས་པར་དངོས་སུ་དབང་བསྐུར་བའི་ཕྱིར་རོ། །
Domain	ཆོས་ལུགས།

ནང་ནུས་པའི་དབང་ལྔ་ (2)

Part of speech	མིང་ཚིག
Definition	མ་ཧཱ་ཡོ་གའི་འཇུག་སྒོ་རང་དོན་ནུས་པའི་བརྩོན་འགྲུས་ཅན་ལ་ཉན་དབང་དང་སྒོམ་དབང་གཉིས། གཞན་དོན་ནུས་པའི་བརྩོན་འགྲུས་ཅན་ལ་འཆད་དབང་དང་ཕྲིན་དབང་གཉིས། གཉིས་དོན་ནུས་པ་ལ་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་དང་ལྔའོ། །