33323

ནམ་མཁའ་བཀྲ་ཤིས་རྒྱལ་མཚན་ (1)

Part of speech

མིང་ཚིག

Definition

རབ་བྱུང་བརྒྱད་པའི་ས་སྟག་ཕྱི་ལོ་ ༡༤༥༨ ལོར་ཡབ་ཝང་ནམ་མཁའ་རྒྱལ་མཚན་དང་། ཡུམ་དཔལ་འབྱོར་བཟང་མོ་གཉིས་ཀྱི་སྲས་སུ་འཁྲུངས། ཆུང་དུས་ནས་ཡི་གེའི་སྦྱོར་ཀློག་དང་། ཡབ་མེས་ཀྱི་ཆོས་སྐོར་ལ་བྱང་བར་མཛད། བདག་ཆེན་ཤེས་རབ་རྒྱལ་མཚན་དང་། བདག་ཆེན་བློ་གྲོས་རྒྱལ་མཚན་སོགས་བསྟེན། རྩ་རྒྱུད་བརྟག་གཉིས་སོགས་ལ་སྦྱངས། གདན་ས་ཆེན་པོ་ནས་ཚོགས་ཆོས་རྒྱས་པར་གསུངས། གདུང་རྒྱུད་སྤེལ་ཕྱིར་བཙུན་མོ་གཅིག་ཁབ་ཏུ་བཞེས། རིགས་སྲས་ས་ལོ་འཇམ་དབྱངས་ཀུན་དགའ་བསོད་ནམས་དང་། བདག་ཆེན་ངག་དབང་གྲགས་པ་རྒྱལ་མཚན། འཇམ་དཔལ་གྲགས་པ། འཇམ་དབྱངས་ཚེ་བརྟན་བཀྲ་ཤིས་བཅས་འཁྲུངས། འདས་ལོ་མི་གསལ། ས་སྐྱའི་དུས་མཆོད་བླ་བྲང་གི་གདུང་རབས་དྲུག་པ་ཡིན།