33358

ནམ་མཁའི་ཁམས་གཉིས་ (1)

Part of speech	མིང་ཚིག
Definition	དཀོན་བརྩེགས་ལེའུ་ཉེར་དྲུག་པ་ཤཱཀྱ་ལུང་བསྟན་པའི་ལེའུ་ལས་བྱུང་བ་སྟེ། ༡ ནང་གི་ནམ་མཁའི་ཁམས་ནི། གང་ཅི་ཡང་རུང་ནང་གི་ཁོང་ན་ལུས་ལ་ཡོད་པ་དང་། ཟིན་པ་དང་། ནམ་མཁའ་དང་། ནམ་མཁའི་རྣམ་པ་ནང་ཞེས་བྱ་བའི་གྲངས་སུ་འགྲོ་བ་མ་གང་བ། པགས་པ་དང་། ཤ་དང་། ཁྲག་གིས་དགང་བར་བྱ་བ་མ་ཡིན་པའོ། །དེ་ཡང་གང་ཞེ་ན། ལུས་འདི་ལ་མིག་གི་ནང་ཞེའམ། རྣ་བ་དང་། སྣའི་ནང་ཞེའམ། ཁ་ཞེའམ། ཁའི་ནང་ཞེའམ། ཁའི་སྒོ་ཞེའམ། ལྐོག་མ་ཞེའམ། མིད་པ་ཞེའམ། གང་ནས་མིད་པ་དང་། གང་དུ་གནས་པ་དང་། གང་གིས་ཟོས་པ་དང་། འཐུངས་པ་དང་། འཚོས་པ་དང་། མྱངས་པ་རྣམས་ཐུར་དུ་རྒྱུ་བར་བྱེད་པ་དང་། གཞན་ཡང་གང་ལུས་འདི་ལ་ནང་གི་ཁོང་ན་ལུས་ལ་ཡོད་པ་དང་། ཟིན་པ་དང་། ཕུང་པོར་གྱུར་པའམ། ཁམས་སུ་གྱུར་པའམ། སྐྱེ་མཆེད་དུ་གྱུར་པ་དག་གི་ནམ་མཁའ་དང་། ནམ་མཁའི་རྣམ་པ་དང་། མ་གང་བ་དང་། པགས་པ་དང་། ཤ་དང་། ཁྲག་གིས་དགང་བར་བྱ་བ་མ་ཡིན་པ་ནང་གི་གྲངས་སུ་འགྲོ་བ་ཁོང་སྟོང་དང་། བུ་ག་ཞེས་བྱ་བ་དག་སྟེ། དེ་ནི། ནང་གི་ནམ་མཁའི་ཁམས་སོ། ༢ ཕྱི་རོལ་གྱི་ནམ་མཁའི་ཁམས་ནི། གང་ཅི་ཡང་རུང་སྟེ། ཕྱི་རོལ་གྱི་ནམ་མཁའ་དང་། ནམ་མཁའི་རྣམ་པ་དང་། མ་གང་བ་དང་། གཟུགས་སུ་གྱུར་པས་དགང་བར་བྱ་བ་མ་ཡིན་པ། མ་འདྲེས་པ། ཁོང་སྟོང་དང་། བུ་གར་གྱུར་པ་འདི་ནི། ཕྱི་རོལ་གྱི་ནམ་མཁའི་ཁམས་ཞེས་བྱའོ།
Domain	ཆོས་ལུགས།