34463

ནྱ་ཡ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རིག་པ་སྟེ། དཀོན་ཅོག་འགྲེལ་ལས། དེ་ལ་རིག་པ་ཞེས་བྱ་བ་ནི་ནྱ་ཡ་ཞེས་བྱ་བ་ནྱ་ཡ་སྟེ། རང་བཞིན་ནམ་ངང་ཚུལ་ལ་ཡང་འཇུག་པས་དངོས་པོའི་རང་བཞིན་ཇི་ལྟར་གནས་པ་ལ་རིག་པ་ཞེས་བྱའོ། །ཡང་ཡུ་ག་ཏི་ཞེས་བྱ་བ་ཡང་ཡུ་ག་ཏ་སྟེ། ཆོས་དང་ལྡན་པས་རིག་པ་ཞེས་བྱའོ། །དེ་ལྟར་ན་དོན་རང་རང་གི་ངང་ཚུལ་ཇི་ལྟར་གནས་པ་དང་། དེ་དང་མཐུན་པའི་བློ་གཉིས་ཀ་ལ་ཡང་རིག་པའི་སྒྲ་འཇུག་པས། ཆོས་རྣམས་ཀྱི་མཚན་ཉིད་དང་དེ་དང་མཐུན་པའི་བློ་གཉིས་ཀ་ལ་ཡང་འཇུག་པར་ཤེས་པར་བྱའོ། །སྐད་ཀྱི་བྱིངས་དང་སྦྱར་ན་ནྱ་ཡ་ནི་ཐོབ་པར་བྱེད་པ་སྟེ། མི་འཇིགས་པ་ཐོབ་པའི་ཕྱིར་རིག་པ་ཞེས་བྱའོ། །ཡུ་ག་ཏི་ནི་སྦྱོར་བ་ལེགས་པ་སྟེ། ཚིག་གི་སྦྱོར་བ་ལེགས་པའི་དོན་ལ་འཇུག་གོ ། ནྱ་ཡ་ནི་གནོད་པ་མེད་པ་ལ་ཡང་འཇུག་སྟེ། པྲ་ཏི་བད་ཅེས་བྱ་བ་ཡང་གནོད་པ་མེད་པའི་དོན་ཡིན་པས། བློ་དང་སྒྲ་གང་ལ་ཡང་དོན་དང་འགལ་བའི་གནོད་པ་མེད་པ་དང་། དོན་ལེགས་པར་གྲུབ་པར་བྱེད་པའི་ནུས་པ་དང་ལྡན་པ་གང་ཡིན་པ་དེ་ནི་རིག་པ་ཞེས་བྱའོ། །ཞེས་གསུངས།
Domain	[ཆོས་ལུགས།, ལྟ་གྲུབ།]