34938

པཎ་ཆེན་བཟང་པོ་བཀྲ་ཤིས་ (1)

Part of speech

མིང་ཚིག

Definition

རབ་བྱུང་བདུན་པའི་ལྕགས་སྟག་ཕྱི་ལོ ༡༤༡༠ ལོར་ལ་སྟོད་བྱང་དུ་རབ་མེས་སྔགས་རིགས་སུ་འཁྲུངས། རྗེ་ཤེས་རབ་སེང་གེ་དང་། རྒྱལ་བ་དགེ་འདུན་གྲུབ་པ། འདུལ་འཛིན་བློ་གྲོས་སྦས་པ། ཆོས་རྗེ་བློ་གྲོས་ཆོས་སྐྱོང་། དྭགས་པོ་ཀུན་བཀྲས་པ། ཆོས་རྗེ་ཚུལ་ཁྲིམས་རྒྱལ་བ། འཕགས་འོད་པ་བཅས་མཁས་པ་མང་པོར་བསྟེན། མདོ་སྔགས་ཀྱི་གདམས་ངག་མང་དུ་གསན། ས་དགེ་རྙིང་གསུམ་གྱི་གསང་སྔགས་ལ་མ་མཁྱེན་པ་མེད། གངས་ཅན་ཆོས་འཕེལ་གྱི་དགོན་པ་བཏབ། འཆད་མཉན་སྤེལ། རེ་བདུན་པར་བཀྲ་ཤིས་ལྷུན་པོར་ཕེབས། རྒྱལ་བ་དགེ་འདུན་གྲུབ་པའི་སྐུ་གདུང་ཞལ་ཆེམས་དང་མཐུན་པར་དངུལ་གྱི་གདུང་ཁང་ངོ་མཚར་བ་ཞིག་བཞེངས། སྒྲོལ་དཀར་ལྷ་ཁང་གི་སྟེང་དུ་མཆོད་ཁང་ལོགས་སུ་གསར་བཞེངས་མཛད། རབ་བྱུང་བརྒྱད་པའི་ས་ཁྱི་ཕྱི་ལོ ༡༤༧༨ ལོར་སྐུ་གཤེགས། བཀྲ་ཤིས་ལྷུན་པོའི་ཁྲི་པ་གཉིས་པ་ཡིན། གསུང་རྩོམ་ནི་སྒྲུབ་ཐབས་དང་། གདམས་པའི་སྐོར་ལ་རབ་ཏུ་བྱེད་པ་བརྒྱ་ལྷག་ཙམ་གྱི་བསྟན་བཅོས་བཅས་བརྩམས།